IPL 2026 શરૂ થવા પહેલા સનરાઇઝર્સ હૈદરાબાદ ટીમે એક મહત્વપૂર્ણ નિર્ણય લીધો છે. ટીમના નિયમિત કેપ્ટન પેટ કમિન્સ હાલ ઇજાગ્રસ્ત હોવાથી તેની જગ્યાએ ઇશાન કિશનને તાત્કાલિક કેપ્ટન તરીકે નિયુક્ત કરવામાં આવ્યો છે.
ફ્રેન્ચાઇઝીએ સોશિયલ મીડિયા દ્વારા જાહેરાત કરી કે, પેટ કમિન્સ સંપૂર્ણ રીતે ફિટ ન હોવાથી તેઓ શરૂઆતના કેટલાક મેચોમાં રમશે નહીં. તેમના સ્વસ્થ થવા સુધી ટીમની કમાન ઇશાન કિશન સંભાળશે.
તે જ સાથે અભિષેક શર્માને ઉપ-કેપ્ટન તરીકે જવાબદારી સોંપવામાં આવી છે, જેથી ટીમનું નેતૃત્વ મજબૂત રીતે ચાલુ રહી શકે. ઉલ્લેખનીય છે કે પેટ કમિન્સ છેલ્લા કેટલાક સમયથી પીઠની ઇજાથી પીડાઈ રહ્યો છે અને હાલમાં તેની રિહેબિલિટેશન પ્રક્રિયા ચાલી રહી છે. તેઓ ક્યારે મેદાનમાં વાપસી કરશે તેની હજી ચોક્કસ તારીખ જાહેર કરવામાં આવી નથી.
આ પરિસ્થિતિમાં IPL 2026ના શરૂઆતના મુકાબલાઓમાં ઇશાન કિશન SRH ટીમનું નેતૃત્વ કરતા જોવા મળશે.
𝐀𝐍𝐍𝐎𝐔𝐍𝐂𝐄𝐌𝐄𝐍𝐓 🚨
Pat Cummins will miss a few games while recovering from injury.
Until he recovers, Ishan Kishan will be the Captain and Abhishek Sharma will be the Vice-Captain. pic.twitter.com/etXJUkQJeG
— SunRisers Hyderabad (@SunRisers) March 18, 2026