IPL 2024ની સિઝન શરૂ થવામાં 1 અઠવાડિયાથી ઓછો સમય બાકી છે. આવી સ્થિતિમાં આઈપીએલની તમામ ફ્રેન્ચાઈઝી સહિત આઈપીએલ ગવર્નિંગ કાઉન્સિલ આઈપીએલ 2024 સીઝનની તૈયારીઓને અંતિમ રૂપ આપી રહી છે.
ઓસ્ટ્રેલિયાના દિગ્ગજ બેટ્સમેન સ્ટીવન સ્મિથ આઈપીએલમાં ઘણી ફ્રેન્ચાઈઝી માટે રમ્યા છે, પરંતુ આઈપીએલ ઓક્શન 2024માં સ્ટીવન સ્મિથને કોઈ ખરીદનાર મળ્યો નથી.
જેના કારણે એવું માનવામાં આવતું હતું કે આ વર્ષે સ્ટીવન સ્મિથ IPL 2024ની સિઝનમાં ભાગ લઈ શકશે નહીં, પરંતુ તાજેતરના અહેવાલો અનુસાર, ઓસ્ટ્રેલિયાના દિગ્ગજ બેટ્સમેન સ્ટીવન સ્મિથ IPL 2024ની સિઝનમાં આ મોટું કામ કરતો દેખાશે.
ઓસ્ટ્રેલિયાના દિગ્ગજ બેટ્સમેન સ્ટીવન સ્મિથે વર્ષ 2021માં દિલ્હી કેપિટલ્સ માટે તેની IPL કારકિર્દીની છેલ્લી મેચ રમી હતી. જે બાદ છેલ્લી 2 IPL સિઝનમાં સ્ટીવન સ્મિથને IPL જેવી મોટી T20 લીગમાં રમવાની તક મળી નથી.
તાજેતરમાં સ્ટાર સ્પોર્ટ્સે IPL 2024 માટે અંગ્રેજી પેનલ કોમેન્ટેટર્સની યાદી બહાર પાડી છે. જેમાં સ્ટીવન સ્મિથનું નામ પણ સામેલ છે. આવી સ્થિતિમાં આ વર્ષે ઓસ્ટ્રેલિયાનો આ દિગ્ગજ બેટ્સમેન IPLમાં બેટથી રન બનાવવાને બદલે માઈક દ્વારા ક્રિકેટ કોમેન્ટ્રી કરતો જોવા મળશે.
— Star Sports (@StarSportsIndia) March 16, 2024