કેપ્ટન વિરાટ કોહલીને પહેલા 12 લાખ રૂપિયાનો દંડ ફટકારવામાં આવ્યો હતો….
ઈન્ડિયન પ્રીમિયર લીગની 13 મી સીઝનમાં રાજસ્થાન રોયલ્સની શરૂઆત સારી રહી હતી, પરંતુ બે મેચ જીત્યા બાદ ટીમનો શેર સતત ત્રણમાં હારી ગયો છે. મંગળવારે મુંબઈ ઈન્ડિયન્સ સામે રમાયેલી મેચમાં રાજસ્થાન રોયલ્સનો 57 રને પરાજય થયો હતો. આ મેચ બાદ ટીમના કેપ્ટન સ્ટીવ સ્મિથને વધુ એક મોટો ઝટકો લાગ્યો છે. ધીમી ઓવર રેટને કારણે સ્મિથને 12 લાખ રૂપિયાનો દંડ ફટકારવામાં આવ્યો છે.
ઇન્ડિયન પ્રીમિયર લીગ દ્વારા એક નિવેદન બહાર પાડવામાં આવ્યું છે જે દંડ અંગે સ્મિથને માહિતી આપવામાં આવી છે. નિવેદનમાં કહેવામાં આવ્યું છે કે, “રાજસ્થાન રોયલ્સના કેપ્ટન સ્ટીવ સ્મિથને અબુધાબીમાં મુંબઈ ઈન્ડિયન્સ સામે રમાયેલી મેચમાં ધીમી ઓવર રેટ માટે દોષી સાબિત થવા બદલ 12 લાખ રૂપિયાનો દંડ ફટકારવામાં આવ્યો છે.”
સ્ટીવ સ્મિથ જોકે, પહેલો કેપ્ટન નથી જેમને આ સીઝનમાં ધીમી ઓવર રેટ માટે દોષિત ઠેરવવામાં આવ્યો છે. ધીમી ઓવર રેટને કારણે રોયલ ચેલેન્જર્સના કેપ્ટન વિરાટ કોહલીને પહેલા 12 લાખ રૂપિયાનો દંડ ફટકારવામાં આવ્યો હતો. તે પછી દિલ્હીના કેપ્ટન શ્રેયશ પણ ધીમો ઓવર રેટ માટે દોષી સાબિત થયા હતા અને તેમને 12 લાખ રૂપિયાનો દંડ પણ ફટકારવામાં આવ્યો હતો.