19 વર્ષની ઉંમરે તેણે તેની ટેસ્ટ ડેબ્યૂ કરી હતી જે ખૂબ જ નિરાશાજનક હતું..
2010 માં સેન્ચુરિયન ખાતે દક્ષિણ આફ્રિકા સામે ટેસ્ટ ક્રિકેટમાં પ્રવેશ કરનાર અને આઇપીએલ ઇતિહાસના સૌથી મોંઘા ભારતીય બોલર એવા જયદેવ ઉનાડકટે મંગળવારે ગુપ્ત લગ્ન કર્યા. તેણે ગુજરાતના આણંદમાં પોતાની મંગેતર રીની સાથે સાત ફેરા લીધા હતા. લગ્નનો કાર્યક્રમ સંપૂર્ણપણે ગુપ્ત રાખવામાં આવ્યો હતો અને નજીકના મિત્રો અને પરિવારના સભ્યો પણ તેમાં હાજર રહ્યા હતા.
2020 ની શરૂઆતમાં સૌરાષ્ટ્રને તેમની પહેલી રણજી ચેમ્પિયન બનાવ્યા બાદ ટીમના કેપ્ટન ઉનાડકટે 15 માર્ચે રિન્ની સાથે સગાઈ કરી હતી. આ પછી તેણે સોશિયલ મીડિયા પર પોતાની સગાઈની ઘોષણા કરી. બંનેએ લાંબા સમય સુધી એકબીજાને ડેટ કર્યા પછી સગાઈ કરવાનું નક્કી કર્યું. જયદેવ ઉનાડકટની પત્ની વ્યવસાયે વકીલ છે.
29 વર્ષીય ઉનાડકટ ભારત તરફથી 1 ટેસ્ટ, 7 વનડે અને 10 ટી 20 મેચ રમ્યો છે. ટેસ્ટ ક્રિકેટમાં તેના નામની એક પણ વિકેટ લીધી નથી. જ્યારે તેણે 7 વનડેમાં 8 વિકેટ અને 10 ટી 20 માં 14 વિકેટ ઝડપી છે. 19 વર્ષની ઉંમરે તેણે તેની ટેસ્ટ ડેબ્યૂ કરી હતી જે ખૂબ જ નિરાશાજનક હતું, તે મેચમાં તે એક પણ વિકેટ લઈ શક્યો ન હતો.
વર્ષ 2018 માં આઇપીએલની હરાજીમાં રાજસ્થાન રોયલ્સએ તેમની ટીમમાં 11.5 કરોડ રૂપિયામાં સમાવેશ કર્યો છે. આ સાથે, ઉનાડકટ આઈપીએલ ઇતિહાસનો સૌથી મોંઘો ભારતીય બોલર બન્યો. ઉનાડકટે આઈપીએલમાં અત્યાર સુધી રમાયેલી 80 મેચોમાં 81 વિકેટ ઝડપી છે અને તે હજી પણ રાજસ્થાન રોયલ્સ ટીમનો ભાગ છે.