ફાફ ડુ પ્લેસિસના નેતૃત્વમાં અને દિનેશ કાર્તિકની શાનદાર બેટિંગના જોરે આરસીબીની ટીમ આ સિઝનમાં અલગ અંદાજમાં રમી રહી છે. ટીમ 6માંથી 4 મેચ જીતીને હાલમાં ચોથા નંબર પર છે.
ટીમમાં વિરાટ કોહલી, ફાફ ડુ પ્લેસિસ, ગ્લેન મેક્સવેલ અને દિનેશ કાર્તિક જેવા મોટા નામ છે. શાહબાઝ અહેમદ અને કાર્તિકની જોડી RCB માટે શ્રેષ્ઠ ફિનિશર જોડી તરીકે ઉભરી આવી છે. છેલ્લી મેચમાં ટીમે દિલ્હી જેવી ટીમને હરાવી છે. દિનેશ કાર્તિક ટીમની ખાસ તાકાત બનીને બહાર આવ્યો છે, જે દરેક મેચમાં સારી ઇનિંગ રમીને મેચ પૂરી કરી રહ્યો છે.
બેંગ્લોરની ઓપનિંગ જોડી – યુવા અનુજ રાવત અને ફાફ ડુ પ્લેસિસ ટીમ માટે ઓપનિંગ કરે છે. છેલ્લી મેચમાં આ જોડી સંપૂર્ણપણે ફ્લોપ રહી હતી. રાવત ખાતું ખોલાવ્યા વિના ફાફના બેટમાંથી માત્ર 8 રન જ આવ્યા હતા. આ મેચમાં બંને પર ટીમને સારી શરૂઆત કરાવવાની જવાબદારી રહેશે.
બેંગ્લોર મિડલ ઓર્ડર- ટીમનો મિડલ ઓર્ડર કાગળ પર ખૂબ જ મજબૂત લાગે છે પરંતુ નામના આધારે તેણે પ્રદર્શન કર્યું નથી. વિરાટ કોહલી, ગ્લેન મેક્સવેલ જેવા નામો મોટો સ્કોર કરી શક્યા નથી. ટીમ માટે સારી વાત એ છે કે દિનેશ કાર્તિક અને શાહબાઝ અહેમદે ફિનિશરની ભૂમિકા ખૂબ સારી રીતે નિભાવી છે. યુના સુયશ પ્રભુદેસાઈએ પણ પોતાની બેટિંગથી પ્રભાવિત કર્યા છે.
બોલિંગમાં બેંગ્લોરની ટીમ – જોશ હેઝલવુડ ટીમ સાથે જોડાતા ટીમની બોલિંગ થોડી મજબૂત લાગી રહી છે પરંતુ હર્ષલ પટેલ અને મોહમ્મદ સિરાજ જેવા બોલર તેમના રંગમાં નથી. બોલિંગમાં વનિંદુ હસરંગા એકમાત્ર એવો છે જે સતત વિકેટ લેવામાં સફળ રહ્યો છે.
બેંગ્લોરની સંભવિત પ્લેઈંગ ઈલેવન-
ફાફ ડુ પ્લેસિસ (c), અનુજ રાવત, વિરાટ કોહલી, ગ્લેન મેક્સવેલ, શાહબાઝ અહેમદ, દિનેશ કાર્તિક (wk), સુયશ પ્રભુદેસાઈ, વાનિન્દુ હસરાંગા, હર્ષલ પટેલ, જોશ હેઝલવુડ, મોહમ્મદ સિરાજ.