IPL 2023ની 17મી મેચ રાજસ્થાન રોયલ્સ અને ચેન્નાઈ સુપર કિંગ્સ વચ્ચે રમાઈ હતી. આ મેચમાં રાજસ્થાનની ટીમનો 3 રને વિજય થયો હતો. આ મેચમાં રાજસ્થાન તરફથી જોસ બટલરે શાનદાર અડધી સદી ફટકારી હતી.
ચેન્નાઈની ટીમને રાજસ્થાન તરફથી 176 રનનો ટાર્ગેટ મળ્યો હતો. પરંતુ ચેન્નાઈની ટીમ 20 ઓવરમાં 6 વિકેટ ગુમાવીને 172 રન જ બનાવી શકી હતી. જો કે રાજસ્થાનની જીતમાં જોસ બટલરની ઈનિંગ્સનો મહત્વનો ફાળો હતો. મેચ દરમિયાન ભારતીય ટીમના પૂર્વ ખેલાડી અને વર્તમાન કોમેન્ટેટર હરભજન સિંહે પણ જોસ બટલરના વખાણ કર્યા હતા. તેણે જોસ બટલરને વિશ્વનો નંબર વન બેટ્સમેન કહ્યો.
જણાવી દઈએ કે CSK સામેની મેચમાં જોસ બટલરે 36 બોલમાં 52 રન બનાવ્યા હતા. તેના કારણે જ તેની ટીમ જીતવામાં સફળ રહી હતી. રાજસ્થાન તરફથી જોસ બટલર ઉપરાંત દેવદત્ત પદ્દીક્કલે 38 રન, રવિચંદ્રન અશ્વિને 30 રન અને શિમરોન હેટમારે અણનમ 30 રન બનાવ્યા હતા. જોસ બટલરે વર્તમાન સિઝનમાં અત્યાર સુધીમાં 3 અડધી સદી ફટકારી છે.