દિલ્હી કેપિટલ્સના મુખ્ય કોચ રિકી પોન્ટિંગે ચેન્નાઈ સુપર કિંગ્સ સામે ચાર વિકેટની હાર બાદ ચેન્નઈના કેપ્ટન મહેન્દ્ર સિંહ ધોનીની પ્રશંસા કરી છે અને કહ્યું છે કે તેમાં કોઈ શંકા નથી કે ધોની મહાન ફિનિશર્સમાંનો એક છે.
બેટિંગની દ્રષ્ટિએ ધોની માટે આ સિઝન અઘરી રહી છે, ઘણા લોકોને લાગ્યું કે હવે સમય આવી ગયો છે કે ધોની બેકસીટ પર બેસે. પરંતુ ધોનીએ પોતાની શૈલીમાં પોતાની ટીમને જીત તરફ દોરી. તેણે ટીમ સામે ફાઇનલમાં લઇ જવા માટે દિલ્હી સામે છ બોલમાં 18 રન બનાવ્યા હતા.
પોન્ટિંગે કહ્યું, ધોની મહાન બેટ્સમેનોમાંનો એક છે, તેમાં કોઈ શંકા નથી. અમે ડગઆઉટમાં બેઠા હતા કે રવિન્દ્ર જાડેજા આવશે કે ધોની. મને ખાતરી હતી કે ધોની આવશે અને મેચ પૂરી કરવાનો પ્રયત્ન કરશે.
તેણે કહ્યું, અમે જરૂરિયાત મુજબ મેચ પૂરી કરી શક્યા નથી, તમે જાણો છો કે જો તમે ચૂકી ગયા તો તમારે કિંમત ચૂકવવી પડશે. ધોની લાંબા સમયથી આ કરી રહ્યો છે, મને લાગે છે કે અમારા બોલરો થોડા ચૂકી ગયા છે. જ્યારે તે નિવૃત્ત થશે, ત્યારે તેને રમતના મહાન ફિનિશર તરીકે યાદ કરવામાં આવશે.