RCBએ IPL 2022ની ત્રીજી લીગ મેચમાં પંજાબ કિંગ્સને જીતવા માટે 206 રનનો મોટો ટાર્ગેટ આપ્યો હતો, પરંતુ આ ટીમે 19 ઓવરમાં 5 વિકેટે 208 રન બનાવ્યા અને મેચ 5 વિકેટથી જીતી લીધી.
પંજાબની જીતમાં ટીમના બેટ્સમેનોએ ખાસ કરીને લોઅર ઓર્ડરના બેટ્સમેન શાહરૂખ ખાન અને ઓડિયોન સ્મિથે ઘણું યોગદાન આપ્યું હતું. સ્મિથે 3 છગ્ગાની મદદથી અણનમ 25 અને શાહરૂખ ખાને અણનમ 24 રન બનાવી ટીમને જીત અપાવી હતી. આ જીત સાથે પંજાબે ચેન્નાઈ સુપર કિંગ્સનો મોટો રેકોર્ડ પણ તોડી નાખ્યો છે.
પંજાબની જીતમાં ટીમના બેટ્સમેનોએ મહત્વની ભૂમિકા ભજવી હતી, જેમાં ઓપનર બેટ્સમેન શિખર ધવન પણ સામેલ હતો. ધવને કેપ્ટન મયંક અગ્રવાલ સાથે મળીને પ્રથમ વિકેટ માટે 71 રનની ભાગીદારી કરીને ટીમને મજબૂત શરૂઆત અપાવી હતી. આ મેચમાં ધવને 29 બોલમાં 1 સિક્સ અને 5 ફોરની મદદથી 43 રનની ઇનિંગ રમી હતી. મેચમાં પંજાબની જીત સાથે, ધવન હવે ડેવિડ વોર્નરને પાછળ છોડીને IPLમાં સૌથી વધુ રન બનાવવાના મામલે ત્રીજા નંબર પર પહોંચી ગયો છે.
IPLમાં પીછો કરતી વખતે સૌથી વધુ રન બનાવનાર ટોચના 5 બેટ્સમેન-
2902 રન – વિરાટ કોહલી
2787 રન – રોબિન ઉથપ્પા
2582 રન – શિખર ધવન
2569 રન – ડેવિડ વોર્નર
2460 રન – ગૌતમ ગંભીર