હાર્દિક બોલિંગ કરવા પણ તૈયાર છે અને તે ખરેખર બોલિંગ કરવા માંગે છે..
મુંબઈ ઈન્ડિયન્સના ક્રિકેટ ઓપરેશન્સના ડાયરેક્ટર ઝહીર ખાને કહ્યું હતું કે હાર્દિક પંડ્યા બોલિંગ કરવા માટે ઉત્સુક છે પરંતુ ટીમ મેનેજમેન્ટે પણ તેના શરીરને જોવું પડશે કારણ કે પીઠમાં ઈજાના કારણે ઓલરાઉન્ડર લાંબા આરામ બાદ રમી રહ્યો છે.
ગયા વર્ષે નવેમ્બરમાં, 26 વર્ષીય હાર્દિકે લંડનમાં સર્જરી કરાવી હતી અને માર્ચમાં ક્રિકેટમાં પાછો ફર્યો હતો પરંતુ ઈન્ડિયન પ્રીમિયર લીગની પ્રથમ બે મેચમાં તે મુંબઈ ઈન્ડિયન્સ તરફથી બોલિંગ કરી શક્યો ન હતો. જ્યારે ઝહીરને હાર્દિકની બોલિંગ વિશે પૂછવામાં આવ્યું ત્યારે તેણે કહ્યું કે, “આપણે જાણીએ છે કે, હાર્દિક એવી બોલિંગ છે કોઈપણ ટીમનું સંતુલન બદલી શકે છે અને તે આ સમજે છે.
તેમણે કહ્યું, “પરંતુ અમારે તેનું શરીર જોવું છે અને અમે તેના વિશે ફિઝિયોની સલાહ લઈ રહ્યા છીએ.” તેણે કહ્યું, “અમે તેને બોલિંગ જોવા માંગીએ છીએ, તે બોલિંગ કરવા પણ તૈયાર છે અને તે ખરેખર બોલિંગ કરવા માંગે છે, આપણે રાહ જોવી પડશે અને સંયમ રાખવો પડશે.
હાર્દિકે છેલ્લી બે મેચમાં કોલકાતા નાઈટ રાઇડર્સ અને ચેન્નાઈ સુપર કિંગ્સ સામે 18 અને 14 રન બનાવ્યા છે.