ડી વિલિયર્સ: દુનિયાનો સૌથી મહાન ફિનિશર માત્ર આ ભારતીય ખેલાડી છે

વિશ્વ ક્રિકેટમાં સૌથી મહાન ફિનિશર કોણ છે? લાંબા સમયથી ક્રિકેટના કોરિડોરમાં આ પ્રશ્ન પર ઘણી ચર્ચાઓ થઈ રહી છે. આ ચર્ચાઓમાં હંમેશા બે નામ બધાની સામે આવે છે, એક છે દક્ષિણ આફ્રિકાના પૂર્વ બેટ્સમેન એબી ડી વિલિયર્સ, બીજું છે ભારતીય ક્રિકેટના ઈતિહાસના સૌથી સફળ કેપ્ટન અને બેટ્સમેન મહેન્દ્ર સિંહ ધોની.

એબી ડી વિલિયર્સે હાલમાં જ તેની યુટ્યુબ ચેનલ પર એક વીડિયો શેર કર્યો છે. આ વીડિયોમાં એક પ્રશંસકે તેને સવાલ પૂછ્યો કે દુનિયાનો બેસ્ટ ફિનિશર કોણ છે, તમે કે ધોની. આ સવાલનો જવાબ આપતી વખતે એબી ડી વિલિયર્સે શરૂઆતમાં મજાકમાં કહ્યું કે, આઈ. જોકે, બાદમાં તેણે કહ્યું હતું કે ધોની સૌથી મોટો ફિનિશર છે અને તેને રમતા જોવો ખૂબ જ સારો છે. મહેન્દ્ર સિંહ ધોનીએ ODI વર્લ્ડ કપ 2011માં જે રીતે સિક્સર ફટકારીને ટીમને ખિતાબ અપાવ્યો હતો તે હંમેશા યાદ રહેશે.

તેણે કહ્યું કે હું બેસ્ટ ફિનિશર છું કે ધોની તે અંગે હંમેશા ચર્ચા થતી રહે છે. આજે હું સ્પષ્ટ કરું છું કે ધોની સૌથી મોટો ફિનિશર છે. તેણે ભારતીય ટીમ માટે તમામ ફોર્મેટમાં જે પ્રદર્શન કર્યું છે તે શાનદાર છે. તે IPLમાં CSK માટે પણ મહત્વની ભૂમિકા ભજવે છે. તે વિશ્વનો સૌથી મહાન ફિનિશર છે. તે ખૂબ જ સરસ વ્યક્તિ છે અને વિશ્વભરના ચાહકો માટે એક રોલ મોડેલ પણ છે.