સોમવારે આંતરરાષ્ટ્રીય ક્રિકેટમાંથી નિવૃત્તિની જાહેરાત કરનાર પાકિસ્તાનના ભૂતપૂર્વ કેપ્ટન મોહમ્મદ હાફીઝે કહ્યું કે રમતમાં ભ્રષ્ટાચારના દોષિત ખેલાડીઓને ક્યારેય દેશનું પ્રતિનિધિત્વ કરવાની તક આપવી જોઈએ નહીં.સોમવારે આંતરરાષ્ટ્રીય ક્રિકેટમાંથી નિવૃત્તિની જાહેરાત કરનાર પાકિસ્તાનના ભૂતપૂર્વ કેપ્ટન મોહમ્મદ હાફીઝે કહ્યું કે રમતમાં ભ્રષ્ટાચારના દોષિત ખેલાડીઓને ક્યારેય દેશનું પ્રતિનિધિત્વ કરવાની તક આપવી જોઈએ નહીં.
નિવૃત્તિની જાહેરાત કર્યા પછી, હાફિઝે લાહોરમાં એક પ્રેસ કોન્ફરન્સમાં કહ્યું કે તે તેના સ્ટેન્ડ પર અડીખમ છે કે જે ખેલાડી મેચ ફિક્સ કરે છે અને દેશ સાથે છેતરપિંડી કરે છે તેને ક્યારેય રમવાની મંજૂરી આપવી જોઈએ નહીં. હાફિઝે કહ્યું, “મારી કારકિર્દીની સૌથી મોટી નિરાશા અને પીડા એ હતી કે જ્યારે અઝહર અલી અને મેં આ મુદ્દે સૈદ્ધાંતિક અભિગમ અપનાવ્યો હતો, પરંતુ બોર્ડ પ્રમુખે અમને કહ્યું હતું કે જો આપણે રમવા નથી માંગતા તો કોઈ સમસ્યા નથી, પરંતુ સંબંધિત ખેલાડી રમશે”.
હાફિઝે કહ્યું, “જ્યાં સુધી રમીઝે જે કહ્યું કે અનુભવ્યું, તે તેમનો અંગત અભિપ્રાય છે અને મેં હંમેશા ટીકાકારોનું સન્માન કર્યું છે. મારો રસ્તો એ છે કે હું મેદાનમાં ઉતરું અને તેમને જવાબ આપું. હું બોર્ડમાં કોઈની સાથે નારાજ નથી. હાફિઝે કહ્યું કે તે કોઈ પણ જાતના અફસોસ વગર આંતરરાષ્ટ્રીય ક્રિકેટને અલવિદા કહી રહ્યો છે. જોકે સિનિયર ખેલાડીએ સ્વીકાર્યું હતું કે તે ટી20 વર્લ્ડ કપ બાદ પીસીબી ચીફને મળવાનો પ્રયાસ કરી રહ્યો હતો.”