ટી-20 વર્લ્ડ કપ 2022ની સેમીફાઈનલમાં હાર બાદ ન્યુઝીલેન્ડના પ્રવાસ પર એક નવી ટીમ જોવા મળી. ટીમના મુખ્ય કોચ રાહુલ દ્રવિડ સહિત સમગ્ર સપોર્ટ સ્ટાફને પણ આરામ આપવામાં આવ્યો હતો.
સુકાની રોહિત શર્મા સહિત ઘણા સિનિયર ખેલાડીઓ પણ ન્યૂઝીલેન્ડના પ્રવાસે ગયા નથી, કારણ કે બાંગ્લાદેશનો પ્રવાસ પણ ટૂંક સમયમાં શરૂ થવા જઈ રહ્યો છે. જો કે, કેટલાક એવા ખેલાડીઓ હતા જેઓ ન્યુઝીલેન્ડના પ્રવાસે છે અને બાંગ્લાદેશ પણ જશે. આ જ કારણ છે કે ટીમ ઈન્ડિયાના પૂર્વ ક્રિકેટર અજય જાડેજાએ કહ્યું છે કે રાહુલ દ્રવિડ એન્ડ કંપનીને આરામ ન મળવો જોઈએ.
ભારત અને ન્યુઝીલેન્ડ વચ્ચેની બીજી ODI દરમિયાન રવિવારે પ્રાઇમ વિડિયો પર બોલતા અજય જાડેજાએ બ્રેક લેવા બદલ રાહુલ દ્રવિડની ઝાટકણી કાઢી હતી. VVS લક્ષ્મણ કેટલા અસરકારક સાબિત થઈ શકે છે તેનો જવાબ પણ તેણે આપ્યો. તેને લાગે છે કે કોચ માટે આઈપીએલનો અઢી મહિનાનો આરામ પૂરતો છે કારણ કે તમારે મર્યાદિત સમય માટે જ ટીમ સાથે કામ કરવાનું છે.
જાડેજાએ વધુમાં ઉમેર્યું હતું કે, “આઈપીએલમાં તમને અઢી મહિનાનો બ્રેક મળે છે. મારો મતલબ છે કે તે મારો મિત્ર છે. વિક્રમ રાઠોર સાથે રમ્યો છે. દ્રવિડ ભારત માટે એક મહાન ક્રિકેટર રહ્યો છે. કોઈ અનાદર નથી, પરંતુ તે એક કામ છે જે તમે થોડા વર્ષો માટે કરો છો અને તમે તેને તમારા ખેલાડીઓ તરીકે આપો છો. તેથી બ્રેક ન લો, સિવાય કે તે કંઈક મોટું હોય.”