ભારતીય ટીમે T20 વર્લ્ડ કપ 2024નો ખિતાબ જીતીને ઈતિહાસ રચ્યો છે. રાહુલ દ્રવિડના કોચિંગ હેઠળ ભારતીય ટીમે શાનદાર પ્રદર્શન કર્યું હતું. કોચ તરીકે રાહુલ દ્રવિડની આ છેલ્લી ટૂર્નામેન્ટ હતી. પોતાના કાર્યકાળના છેલ્લા ગાળામાં રાહુલ દ્રવિડે મોટી સિદ્ધિ હાંસલ કરી છે અને T20 વર્લ્ડ કપનો ખિતાબ જીત્યો છે.
17 વર્ષની લાંબી રાહ બાદ ભારતીય ટીમે T20 વર્લ્ડ કપ જીત્યો. જો કે આ જીત બાદ પણ રાહુલ દ્રવિડ ખુશ નહોતો. જતા સમયે તેણે વિરાટ કોહલીને મોટી જવાબદારી સોંપી હતી.
ભારતીય ટીમના મુખ્ય કોચ રાહુલ દ્રવિડનો એક વીડિયો સોશિયલ મીડિયા પ્લેટફોર્મ X પર સામે આવ્યો છે. વીડિયોમાં રાહુલ દ્રવિડ ભારતીય ટીમના ડ્રેસિંગ રૂમમાં જોવા મળી રહ્યો છે. ડ્રેસિંગ રૂમમાં રાહુલ દ્રવિડે વિરાટ કોહલીને કહ્યું, ‘3 વ્હાઇટ બોલ ટીક થઈ ગઈ છે અને હવે 1 લાલ બોલ ટીક કરવાનું બાકી છે.
રાહુલ દ્રવિડ કહેવાનો અર્થ એ હતો કે ભારતીય ટીમે સફેદ બોલમાં ODI વર્લ્ડ કપ, T20 વર્લ્ડ કપ અને ચેમ્પિયન્સ ટ્રોફી પર કબજો કર્યો છે. ભારતીય ટીમ માત્ર લાલ બોલથી રમાયેલી વર્લ્ડ ટેસ્ટ ચેમ્પિયનશિપનું ટાઇટલ જીતવામાં સફળ રહી નથી. વિરાટ કોહલીને પોતાની વિદાયમાં આ જ જવાબદારી સોંપતા દ્રવિડે કહ્યું કે તે ઈચ્છે છે કે ભારતીય ટીમ વર્લ્ડ ટેસ્ટ ચેમ્પિયનશિપનો ખિતાબ પણ જીતે.
તમને જણાવી દઈએ કે ભારતીય ટીમે સતત બે વખત વર્લ્ડ ટેસ્ટ ચેમ્પિયનશિપની ફાઇનલમાં પોતાનું સ્થાન નિશ્ચિત કર્યું છે.