ઓસ્ટ્રેલિયાએ ODI વર્લ્ડ કપના ફાઈનલ હીરો ટ્રેવિસ હેડને વેસ્ટ ઈન્ડિઝ સામે ચાલી રહેલી ODI શ્રેણીમાંથી મુક્ત કરી દીધો છે. હેડ આગામી બે મેચમાં ટીમનો ભાગ નહીં હોય. આ સિવાય ફાસ્ટ બોલર ઝેવિયર બાર્ટલેટને પણ આરામ આપવામાં આવ્યો છે જેણે વેસ્ટ ઈન્ડિઝ વિરુદ્ધ પ્રથમ મેચમાં ચાર વિકેટ ઝડપી હતી.
ODI સિવાય ટ્રેવિસ હેડ વેસ્ટ ઈન્ડિઝ સામેની T20 સીરીઝનો પણ ભાગ નહીં હોય. 30 વર્ષીય ટ્રેવિસ હેડ વેસ્ટ ઈન્ડિઝ સામેની પ્રથમ મેચમાં માત્ર ચાર રન બનાવી શક્યો હતો, જ્યારે આ પહેલા તે ટેસ્ટની સતત બે ઈનિંગમાં શૂન્ય પર આઉટ થયો હતો. આવી સ્થિતિમાં સવાલો ઉઠી રહ્યા છે કે શું ખરાબ પ્રદર્શનને કારણે તેને મુક્ત કરવાનો નિર્ણય લેવામાં આવ્યો છે. જો કે આ અંગે ક્રિકેટ ઓસ્ટ્રેલિયાએ પોતાનું નિવેદન આપ્યું છે.
ક્રિકેટ ઓસ્ટ્રેલિયાનું કહેવું છે કે હેડ હોમ સિરીઝ દરમિયાન સતત વ્યસ્ત રહેતો હતો. આવી સ્થિતિમાં તેમને ફ્રેશ થવાનો સમય આપવામાં આવ્યો છે. એવું કહેવામાં આવી રહ્યું છે કે તે ન્યૂઝીલેન્ડ પ્રવાસ પર ટેસ્ટ અને ટી20 સીરીઝ માટે ઉપલબ્ધ રહેશે.
જ્યારે ઝડપી બોલર ઝેવિયર બાર્ટલેટને વર્કલોડને નિયંત્રિત કરવા માટે આરામ આપવામાં આવ્યો છે, તો બીજી વનડેમાં તેના સ્થાને જોશ હેઝલવુડને તક મળશે.