અઝીઝુલ્લાહ ફઝલી અફઘાનિસ્તાન ક્રિકેટ બોર્ડના અધ્યક્ષ બન્યા, તાલિબાને આપ્યો સહારો

અત્યારે અફઘાનિસ્તાનમાં રાજકીય પરિસ્થિતિ ખૂબ ખરાબ ચાલી રહી છે. તાલિબાને અફઘાનિસ્તાનનું સિંહાસન કબજે કર્યું છે. લોકોને અફઘાનિસ્તાન છોડવાની ફરજ પડી છે. આ સંજોગોમાં અફઘાનિસ્તાન ક્રિકેટ બોર્ડે ફરી એક વખત અઝીઝુલ્લાહ ફઝલીને ACBના ચેરમેન તરીકે નિયુક્ત કર્યા છે. અફઘાનિસ્તાન ક્રિકેટ બોર્ડે ટ્વીટ કરીને આ માહિતી આપી હતી.

એસીબીએ ટ્વિટ કર્યું, “એસીબીના ભૂતપૂર્વ ચેરમેન અઝીઝુલ્લાહ ફઝલીને ફરી એક વખત એસીબીના ચેરમેન તરીકે નિયુક્ત કરવામાં આવ્યા છે. તે આગામી સ્પર્ધાઓ માટે ACBના નેતૃત્વ અને ક્રિયાઓની દેખરેખ રાખશે.

અફઘાનિસ્તાન પર કબજો કર્યા બાદ તાલિબાનોએ અફઘાનિસ્તાન ક્રિકેટ બોર્ડ પર પણ કબજો જમાવ્યો હતો. જો કે, અફઘાનિસ્તાન ક્રિકેટ બોર્ડના મીડિયા ઓપરેશન્સના વડા અબ્દુલ્લાહ માજરીએ તેમના નિવેદનમાં જણાવ્યું હતું કે, “તાલિબાનોને ક્રિકેટ સાથે કોઈ સમસ્યા નથી, અને તેઓએ અમને તેમની યોજના મુજબ કામ કરવાનું કહ્યું છે.”

Azizullah Fazli
અફઘાનિસ્તાનની મહિલા ક્રિકેટ ટીમની મેચ પર શંકા રહે છે. તે જ સમયે, અફઘાનિસ્તાન ક્રિકેટ પર જોખમ ઉભું છે, તેથી ક્રિકેટની સર્વોચ્ચ સંસ્થા આઇસીસી પણ અફઘાનિસ્તાન ક્રિકેટ પર નજર રાખી રહી છે.