T20 વર્લ્ડ કપ 2022 માટે દરેક ટીમે પોતાની તૈયારીઓ શરૂ કરી દીધી છે અને ભારતીય ટીમ પણ અલગ-અલગ ક્રિકેટ સિરીઝ દ્વારા પોતાના ખેલાડીઓને અજમાવી રહી છે જેથી વર્લ્ડ કપ માટે મજબૂત ટીમની પસંદગી કરવામાં આવે.
ટી-20 વર્લ્ડ કપ ભારત માટે ખૂબ જ મહત્વપૂર્ણ છે અને તે પહેલા જો ભારતીય ટીમ ઓસ્ટ્રેલિયા અને સાઉથ આફ્રિકા જેવી મજબૂત ટીમ સામે રમશે તો તે તૈયારીની દ્રષ્ટિએ ખૂબ જ સારું રહેશે.
ઓક્ટોબર અને નવેમ્બરમાં ઓસ્ટ્રેલિયામાં ટી-20 વર્લ્ડ કપ યોજાવાનો છે, પરંતુ તે પહેલાં એટલે કે સપ્ટેમ્બર-ઓક્ટોબરમાં ઓસ્ટ્રેલિયા અને દક્ષિણ આફ્રિકાની ટીમ ભારતના પ્રવાસે આવશે. સપ્ટેમ્બરમાં ઓસ્ટ્રેલિયન ટીમ ભારત સામે ત્રણ મેચની ટી-20 શ્રેણીમાં ભાગ લેવાની છે. આ T20 સિરીઝની પ્રથમ મેચ 20 સપ્ટેમ્બરે મોહાલીમાં રમાશે જ્યારે બીજી મેચ 23 સપ્ટેમ્બરે નાગપુરમાં રમાશે. શ્રેણીની ત્રીજી મેચ 25 સપ્ટેમ્બરે હૈદરાબાદમાં રમાશે.
ભારત વિ ઓસ્ટ્રેલિયા ટી20 સિરીઝનું શેડ્યૂલ-
1લી T20 – 20 સપ્ટેમ્બર – મોહાલી
બીજી T20 – 23 સપ્ટેમ્બર – નાગપુર
ત્રીજી T20 – 25 સપ્ટેમ્બર – હૈદરાબાદ
ઓસ્ટ્રેલિયા સામેની ટી20 સીરીઝ પૂરી થયા બાદ તરત જ ભારતે દક્ષિણ આફ્રિકા સામે પ્રથમ ત્રણ મેચની ટી20 સીરીઝ અને ત્યારબાદ ત્રણ મેચની વનડે સીરીઝ રમવાની છે. બંને દેશો વચ્ચે પ્રથમ T20 મેચ 28 સપ્ટેમ્બરે ત્રિવેન્દ્રમમાં રમાશે, જ્યારે બીજી મેચ 1 ઓક્ટોબરના રોજ ગુવાહાટીમાં અને ત્રીજી મેચ 3 ઓક્ટોબરે ઈન્દોરમાં રમાશે. આ પછી, ત્રણ મેચોની વનડે શ્રેણીની પ્રથમ મેચ 6 ઓક્ટોબરે રાંચીમાં, 9 ઓક્ટોબરે લખનૌમાં અને ત્યારબાદ 11 ઓક્ટોબરે દિલ્હીમાં રમાશે.
ભારત વિ દક્ષિણ આફ્રિકા T20 અને ODI શ્રેણીનું સમયપત્રક-
T20:
1લી T20I – 28 સપ્ટેમ્બર (ત્રિવેન્દ્રમ)
બીજી T20I – 1 ઓક્ટોબર (ગુવાહાટી)
3જી T20 – 3 ઓક્ટોબર (ઈન્દોર)
ODI:
1લી ODI – 6 ઓક્ટોબર (રાંચી)
બીજી ODI – 9 ઓક્ટોબર (લખનૌ)
ત્રીજી ODI – 11 ઓક્ટોબર (દિલ્હી)