ફાઇનલ બાદ ઇંગ્લેન્ડ સાથે 5 મેચની ટેસ્ટ સિરીઝ રમશે…
ભારત શ્રીલંકાની વનડે અને ટી-20 શ્રેણી માટે પ્રવાસ કરશે. બીસીસીઆઈના પ્રમુખ સૌરવ ગાંગુલીએ થોડા દિવસો પહેલા સ્પોર્ટ્સ સ્ટારને આપેલા નિવેદનમાં આ વાતની પુષ્ટિ કરી હતી. પ્રથમ વનડે સિરીઝ રમવામાં આવશે અને તે પછી ટી-20 સિરીઝ રમવામાં આવશે. પહેલી વનડે મેચ 13 જુલાઈએ થશે. મેચ કયા સ્થાને રમાશે તે નક્કી કરવાનું બાકી છે.
ભારતીય ટીમ તેમની બી ટીમને શ્રીલંકા પણ મોકલી શકે છે, કારણ કે ભારતની મુખ્ય ટીમ ડબ્લ્યુટીસીની ફાઇનલ બાદ ઇંગ્લેન્ડ સાથે 5 મેચની ટેસ્ટ સિરીઝ રમશે. શ્રીલંકા સામે કયા ખેલાડીને કેપ્ટન બનાવવામાં આવે છે તે જોવું રસપ્રદ રહેશે.
જોકે, પાકિસ્તાનના ભૂતપૂર્વ સ્પિનર ડેનિશ કનેરિયાનું માનવું છે કે શ્રીલંકા પ્રવાસ દરમિયાન ટીમ ઈન્ડિયાને એવા ખેલાડીની કમાન સોંપવી જોઈએ કે જેની ભારતની ભાવિ ટીમના કેપ્ટન તરીકે નિમણૂક થઈ શકે. તેમનું માનવું છે કે સંજુ સેમસનને ટીમનો કેપ્ટન બનાવવો જોઇએ.
પાકિસ્તાનના ભૂતપૂર્વ સ્પિનર ડેનિશ કનેરિયાએ તેની યુટ્યુબ ચેનલમાં કહ્યું હતું કે, “શ્રીલંકા પ્રવાસ ભારત માટે તેના આગામી કેપ્ટનને શોધવા અને તૈયાર કરવાની એક શ્રેષ્ઠ તક છે. ત્યાં કોઈ વધુ વિકલ્પો નથી. ખરેખર ફક્ત બે જ વિકલ્પો છે. એક સંજુ સેમસન છે, જેણે આઈપીએલમાં રાજસ્થાન રોયલ્સની કપ્તાની સંભાળી હતી. તે આઈપીએલમાં વિકેટ પાછળ પણ સારો દેખાતો હતો. બીજો વિકલ્પ સૌથી સિનિયર ખેલાડી શિખર ધવન છે. તે વનડે અને ટી-20માં સિનિયર ખેલાડી છે.