નીતિશ રાણાની પત્નીને હેરાન કરનાર આરોપીને દિલ્હી પોલીસે ધરપકડ કરી

કોલકાતા નાઈટ રાઈડર્સના કેપ્ટન નીતિશ રાણાની પત્ની સાંચી મારવાહને હેરાન કરનારા બે લોકોમાંથી એકની પોલીસે ધરપકડ કરી લીધી છે. ખરેખર, જ્યારે સાંચી પોતાનું કામ પતાવીને ઘરે જઈ રહી હતી ત્યારે બે અજાણ્યા છોકરાઓ તેની કારની પાછળ આવવા લાગ્યા.

જેના કારણે નીતિશ રાણાની પત્ની ખૂબ ડરી ગઈ હતી. સાંચી શકરપુરથી મોડલ ટાઉનમાં પોતાના ઘરે જઈ રહી હતી. આ દરમિયાન 2 છોકરાઓએ તેનો પીછો શરૂ કર્યો. આટલું જ નહીં બંનેએ તેમની કારને પણ ટક્કર મારી હતી.

સાંચીએ તે જ સમયે વીડિયો બનાવ્યો અને તેને તેના સોશિયલ મીડિયા પર પોસ્ટ કર્યો. તેણે દિલ્હી પોલીસને મેલ મોકલીને પણ ફરિયાદ કરી હતી, જેના પછી પોલીસે 354, 354(D) સહિત વિવિધ કલમો હેઠળ કેસ નોંધ્યો હતો અને એક આરોપીની ધરપકડ કરી હતી.