મોહમ્મદ અઝરુદ્દીન તેની કપ્તાની હેઠળ ભારત માટે 14 ટેસ્ટ અને 90 વનડે મેચ જીત્યા છે…
ભારતના પૂર્વ કેપ્ટન મોહમ્મદ અઝહરુદ્દીનની કાર પલટી ગઈ છે. આ અકસ્માતમાં અઝહરુદ્દીન સાવ જ બચી ગયો છે. મળતી માહિતી મુજબ આ ઘટના લાલસોટ કોટા મેગા હાઇવે પર સુરવાલ પોલીસ સ્ટેશન નજીક બની છે. આ ઘટના ત્યારે બની જ્યારે 57 વર્ષીય ભારતીય ટીમના પૂર્વ કેપ્ટન મોહમ્મદ અઝહરુદ્દીન પોતાના પરિવાર સાથે રણથંભોર આવી રહ્યો હતો. અઝહરુદ્દીન સાથે આવતા વ્યક્તિને સામાન્ય ઈજા થઈ હતી. આ પછી, મોહમ્મદ અઝહરુદ્દીને બીજી ગાડી દ્વારા હોટલમાં લઈ જવામાં આવ્યો હતો.
અઝહરે 99 ટેસ્ટમાં 45.03 ની સરેરાશથી 6215 રન બનાવ્યા છે અને તેનો શ્રેષ્ઠ સ્કોર 199 રન છે. આ સિવાય 334 વનડેમાં તેણે 36.92 ની સરેરાશથી 9378 રન બનાવ્યા છે અને તેનો શ્રેષ્ઠ સ્કોર 153 * છે. મોહમ્મદ અઝહરુદ્દીને વર્ષ 1984 માં આંતરરાષ્ટ્રીય ક્રિકેટમાં પ્રવેશ કર્યો હતો.
મોહમ્મદ અઝહરુદ્દીન 1990 માં ટીમ ઈન્ડિયાના કેપ્ટન બન્યા હતા. અઝહરુદ્દીને 1992, 1996 અને 1999 ની વર્લ્ડમાં ટીમ ઈન્ડિયાની કેપ્ટનશીપ સંભાળી હતી. મોહમ્મદ અઝરુદ્દીન તેની કપ્તાની હેઠળ ભારત માટે 14 ટેસ્ટ અને 90 વનડે મેચ જીત્યા છે.