મુંબઇ તરફથી 44 પ્રથમ વર્ગની મેચ રમી હતી. તેની ઉંમર 40 વર્ષથી વધુ હતી…
મુંબઇની ભૂતપૂર્વ ખેલાડી અને સ્કોરર રંજીતા રાણેનું બુધવારે કેન્સર સામે લડ્યા બાદ નિધન થયું હતું. મુંબઇ ક્રિકેટ એસોસિએશનના વરિષ્ઠ અધિકારીએ જણાવ્યું હતું કે, ‘મુંબઈની ભૂતપૂર્વ ક્રિકેટર અને સ્કોરર રંજીતા રાણેનું નિધન થઈ ગયું છે તે જાણવાથી ખૂબ જ દુખ થાય છે.’
ઓલરાઉન્ડર રણજીતાએ 1995 થી 2003 દરમિયાન મુંબઇ તરફથી 44 પ્રથમ વર્ગની મેચ રમી હતી. તેની ઉંમર 40 વર્ષથી વધુ હતી.
આ ઉપરાંત, ઘરેલું ક્રિકેટમાં સૌરાષ્ટ્રનું પ્રતિનિધિત્વ કરનાર ક્રિકેટર પ્રભુભાઇ પરમારનું પણ મંગળવારે કોવિડ -19 ને કારણે અવસાન થયું હતું. સૌરાષ્ટ્ર ક્રિકેટ એસોસિએશન દ્વારા મંગળવારે મોડી રાત્રે જાહેર કરાયેલા એક નિવેદનમાં કહ્યું છે કે, એસએસએમાં સૌરાષ્ટ્રના તમામ પૂર્વ ક્રિકેટરો પ્રભુભાઇ પરમારના અવસાનથી ખૂબ જ દુખ છે. પરમાર 76 વર્ષના હતા અને 1968-69માં સૌરાષ્ટ્ર માટે ચાર રણજી મેચ રમ્યા હતા.
ભારતીય ક્રિકેટ બોર્ડ (બીસીસીઆઈ) અને એસસીએ સચિવ નિરંજન શાહે પ્રભુભાઇના નિધન પર શોક વ્યક્ત કર્યો છે.