ઝિમ્બાબ્વેનો ભૂતપૂર્વ ઓલરાઉન્ડર અને કેપ્ટન હીથ સ્ટ્રીક કેન્સરથી પીડિત

ઝિમ્બાબ્વેનો ભૂતપૂર્વ ઓલરાઉન્ડર હીથ સ્ટ્રીક કેન્સરથી પીડિત છે અને તેની દક્ષિણ આફ્રિકામાં સારવાર ચાલી રહી છે. 49 વર્ષીય ખેલાડીએ 1993 થી 2005 દરમિયાન ઝિમ્બાબ્વે માટે 65 ટેસ્ટ અને 189 વન-ડે ઈન્ટરનેશનલ મેચ રમી હતી.

સ્ટ્રીકના પરિવારે એક નિવેદન જારી કરીને જણાવ્યું હતું કે હીથને કેન્સર છે અને તેની સારવાર દક્ષિણ આફ્રિકાના સૌથી પ્રતિષ્ઠિત ઓન્કોલોજિસ્ટની દેખરેખ હેઠળ કરવામાં આવી રહી છે. નિવેદનમાં ઉમેરવામાં આવ્યું છે કે હીથે પોતાનો ઉત્સાહ જાળવી રાખ્યો છે અને તે રોગ સામે લડશે જે રીતે તે તેના રમતના દિવસોમાં ક્રિકેટના મેદાન પર તેના વિરોધીઓનો સામનો કરતો હતો.

તેણે કહ્યું કે પરિવારને આશા છે કે તમે તેમની ઈચ્છાને સમજી શકશો અને તેનું સન્માન કરશો જેથી તે પરિવારનો ખાનગી મામલો બની રહે. તેઓ તમારી પ્રાર્થના અને ઈચ્છાઓ માટે તેમનો આભાર વ્યક્ત કરે છે. સ્ટ્રીકના પરિવાર તરફથી આ નિવેદન મીડિયા અહેવાલો પછી આવ્યું છે કે તે ગંભીર રીતે બીમાર છે.

સ્ટ્રીક ઝિમ્બાબ્વેનો કેપ્ટન પણ હતો. તેણે 2004માં પોતાના ક્રિકેટ બોર્ડ સાથે મતભેદને કારણે કેપ્ટનશીપ છોડી દીધી હતી. એક વર્ષ પછી, તેણે 31 વર્ષની ઉંમરે આંતરરાષ્ટ્રીય ક્રિકેટમાંથી નિવૃત્તિ લીધી.

તની નિવૃત્તિ પછી, તેમણે ઈન્ડિયન પ્રીમિયર લીગ ટીમ કોલકાતા નાઈટ રાઈડર્સના બોલિંગ કોચનું પદ સંભાળ્યું. આ ઉપરાંત તેઓ ગુજરાત લાયન્સ (હવે વિખેરી નાખવામાં આવેલ), બાંગ્લાદેશ અને સમરસેટના બોલિંગ કોચ પણ હતા.

સ્ટ્રીકે ઉત્તર પ્રદેશ ક્રિકેટ એસોસિએશન એકેડમીમાં સલાહકાર તરીકે પણ સેવા આપી હતી. સ્ટ્રીક પર 2021માં આઠ વર્ષ સુધી ક્રિકેટ સંબંધિત તમામ પ્રવૃત્તિઓમાં ભાગ લેવા પર પ્રતિબંધ મૂકવામાં આવ્યો હતો. ICC ભ્રષ્ટાચાર વિરોધી સંહિતાના ભંગના પાંચ આરોપો સ્વીકાર્યા બાદ તેના પર પ્રતિબંધ મૂકવામાં આવ્યો હતો, જેમાં અંદરની માહિતી પૂરી પાડવા અને ભ્રષ્ટ ઓફરને પ્રોત્સાહન આપવાનો સમાવેશ થાય છે.