હેપ્પી બર્થડે: શું આટલી છે સચિન તેંડુલકરની નેટવર્થ, વર્ષે કરોડોની કમાણી કરે

સચિન તેંડુલકરને ક્રિકેટ જગતનો ભગવાન કહેવામાં આવે છે. ક્રિકેટની દુનિયામાં ઘણા રેકોર્ડ આ ખેલાડીના નામે છે. સચિનના નામે આંતરરાષ્ટ્રીય ક્રિકેટમાં 100 સદી છે. એટલું જ નહીં, સૌથી વધુ ટેસ્ટ અને વન-ડે મેચ રમવાનો રેકોર્ડ પણ સચિનના નામે છે.

સચિને 200 ટેસ્ટ અને 463 ટેસ્ટ મેચ રમી છે. આજે સચિનનો 51મો જન્મદિવસ છે. સચિનને ​​ક્રિકેટમાંથી નિવૃત્ત થયાને 10 વર્ષથી વધુ સમય થઈ ગયો છે, પરંતુ આજે પણ તે ઘણી કમાણી કરે છે. તે ઘણી કંપનીઓના બ્રાન્ડ એમ્બેસેડર છે.

સચિન તેંડુલકરે તેની છેલ્લી ટેસ્ટ મેચ વર્ષ 2013માં રમી હતી. પરંતુ આ પછી પણ તેની લોકપ્રિયતા કે કમાણી ઓછી થઈ નથી. સચિન આજે પણ વિશ્વના સૌથી અમીર ક્રિકેટરોમાં ગણાય છે. એક રિપોર્ટ અનુસાર, ગયા વર્ષે સચિનની કુલ સંપત્તિ 1450 કરોડ રૂપિયાની આસપાસ હતી. આજે પણ સચિન ઘણી જાહેરાતોમાં જોવા મળે છે.

સચિન બૂસ્ટ, યુનાકેડેમી, કેસ્ટ્રોલ ઈન્ડિયા, લ્યુમિનસ ઈન્ડિયા, બીએમડબલ્યુ, સનફીસ્ટ, એમઆરએફ અને પેપ્સી જેવી કંપનીઓની જાહેરાતો કરે છે. આ સાથે સચિન એડિડાસની જાહેરાતોમાં પણ જોવા મળે છે. રિપોર્ટ અનુસાર, સચિન જાહેરાતોથી દર વર્ષે 20-22 કરોડ રૂપિયાથી વધુની કમાણી કરે છે.

સચિનના મુંબઈમાં ઘરની કિંમત 100 કરોડ રૂપિયાથી વધુ હોવાનું કહેવાય છે. આ સિવાય રિપોર્ટ્સનું માનીએ તો સચિનનો કેરળમાં પણ બંગલો છે. એટલું જ નહીં તેની પાસે મુંબઈના બાંદ્રા વિસ્તારમાં એક લક્ઝરી ફ્લેટ પણ છે. અને કેટલાક અહેવાલો કહે છે કે સચિનનો લંડનમાં પણ બંગલો છે.