ICCએ પ્લેયર ઓફ ધ મંથના નોમિનેશનની જાહેરાત કરી, આ 3 ભારતીય સામેલ

સપ્ટેમ્બર 2022 માટે ICC પ્લેયર ઓફ ધ મંથ એવોર્ડ્સ માટે પુરૂષ અને મહિલા ક્રિકેટમાંથી 3-3 નામોને શોર્ટલિસ્ટ કરવામાં આવ્યા છે. ઇન્ટરનેશનલ ક્રિકેટ કાઉન્સિલ (ICC) એ બુધવાર, 5 ઓક્ટોબરે આ વાતનો ખુલાસો કર્યો છે.

જે નામોને શોર્ટલિસ્ટ કરવામાં આવ્યા છે તેમાં રમતના ટૂંકા ફોર્મેટના કેટલાક પ્રતિભાશાળી ખેલાડીઓનો સમાવેશ થાય છે, કારણ કે ICC મેન્સ T20 વર્લ્ડ કપ 2022 માત્ર અગિયાર દિવસ પછી શરૂ થવાનો છે.

ICC મેન્સ પ્લેયર ઓફ ધ મન્થના તમામ ઉમેદવારોએ મહિના દરમિયાન ODI અને T20I ક્રિકેટમાં ઉત્કૃષ્ટ દેખાવ કર્યો હતો. ઓસ્ટ્રેલિયાના કેમેરોન ગ્રીને ન્યૂઝીલેન્ડ અને ભારત સામે જોરદાર રમત આપી હતી જ્યારે ભારતના અક્ષર પટેલે ઓસ્ટ્રેલિયા સામે જોરદાર બોલિંગ કરી હતી. તે જ સમયે, પાકિસ્તાનના મોહમ્મદ રિઝવાનને પ્રથમ વખત બેટ સાથેના શાનદાર પ્રદર્શન બાદ આ પુરસ્કારો માટે નામાંકિત કરવામાં આવ્યો છે.

🇵🇰 A brilliant wicketkeeper-batter
🇦🇺 A rising all-round sensation
🇮🇳 A spin ace

Here are the nominees for the ICC Men’s Player of the Month for September 2022 👇

— ICC (@ICC) October 5, 2022

મહિલા ક્રિકેટ પુરસ્કાર માટે શોર્ટલિસ્ટ કરાયેલા ખેલાડીઓમાં બાંગ્લાદેશની નિગાર સુલતાના છે, જેણે સંયુક્ત આરબ અમીરાતમાં ICC મહિલા T20 વર્લ્ડ કપ ક્વોલિફાયરમાં શાનદાર પ્રદર્શન કરીને દક્ષિણ આફ્રિકામાં 2023 ICC મહિલા T20 વર્લ્ડ કપમાં પોતાનું સ્થાન બનાવ્યું હતું. ભારતીય કેપ્ટન હરમનપ્રીત કૌર અને સ્મૃતિ મંધાનાને પણ ICC એવોર્ડ્સ માટે શોર્ટલિસ્ટ કરવામાં આવી છે. બંને પ્રથમ વખત આ પુરસ્કારો માટે નોમિનેટ થયા છે.

કેમેરોન ગ્રીને ODI મેચમાં ન્યૂઝીલેન્ડ સામે 89 રનની ઇનિંગ રમી હતી જ્યારે ભારત સામે 30 બોલમાં 61 રન બનાવ્યા હતા. અક્ષર પટેલે ઓસ્ટ્રેલિયા સામેની T20 શ્રેણીમાં 3 મેચમાં 9 વિકેટ ઝડપી હતી. મોહમ્મદ રિઝવાને ઈંગ્લેન્ડ સામે રમાયેલી 7 મેચની T20 શ્રેણીમાં 300થી વધુ રન બનાવ્યા હતા. તેણે ગયા મહિને 500 થી વધુ આંતરરાષ્ટ્રીય રન બનાવ્યા કારણ કે તે એશિયા કપમાં પણ રમ્યો હતો.

🇮🇳 A destructive batter
🇮🇳 An in-form opener
🇧🇩 An inspirational leader

Here are the nominees for the ICC Women's POTM for September 2022 👇

— ICC (@ICC) October 5, 2022