754 પોઇન્ટ રેટિંગ સાથે તે ત્રણ સ્થાનનો ઉછાળો કરીને 10માં સ્થાને રહ્યો…
ઇંગ્લેંડ અને ઓસ્ટ્રેલિયા વચ્ચે રમાયેલી ત્રણ મેચની વનડે સિરીઝ બાદ જોની બેરસ્ટો આઇસીસી રેન્કિંગમાં ટોચના 10 બેટ્સમેનોમાં જોડાયો છે. 754 પોઇન્ટ રેટિંગ સાથે તે ત્રણ સ્થાનનો ઉછાળો કરીને 10માં સ્થાને રહ્યો.
બેટિંગ રેન્કિંગમાં ભારતીય કેપ્ટન વિરાટ કોહલી અને ઉપ-કપ્તાન રોહિત શર્માનું વર્ચસ્વ છે. આઈસીસીની વનડે રેન્કિંગમાં વિરાટ ટોચ પર છે, જ્યારે રોહિત શર્મા બીજા નંબરે છે. પાકિસ્તાનની વન-ડે મેચોમાં ઉપ-કપ્તાન બાબર આઝમ ત્રીજા નંબરે છે જ્યારે ન્યુઝીલેન્ડનો રોસ ટેલર ચોથા નંબર પર છે.
બોલિંગ રેન્કિંગમાં ટોચના ત્રણમાં કોઈ ફેરફાર કરવામાં આવ્યો નથી.ન્યુજીલેંડનો ટ્રેન્ટ બોલ્ટ, ભારતના જસપ્રીત બુમરાહ અને બાંગ્લાદેશના મુજિબ ઉર રેહમાન અનુક્રમે પ્રથમ, બીજા અને ત્રીજા સ્થાને છે. ઇંગ્લેન્ડનો બોલર જોફ્રા આર્ચર 18 સ્થાનનો ઉછાળો મેળવીને ટોપ 10 માં સ્થાન મેળવ્યો છે. ઇંગ્લેન્ડનો ક્રિસ વોક્સ સાતમાથી ચોથા ક્રમે આગળ વધી ગયો છે, જ્યારે ઓસ્ટ્રેલિયાના જોશ હેઝલવુડ સાત સ્થાનનો ઉછાળો કરીને સાતમા સ્થાને રહ્યો છે.
ઓલરાઉંડરની રેન્કિંગમાં ઇંગ્લેન્ડનો ક્રિસ વોક્સ પાંચમા ક્રમેથી બીજા સ્થાને પહોંચી ગયો છે. અફગાનનો મોહમ્મદ નબી સતત ટોચ પર છે. પાકિસ્તાનના ઇમાદ વોક્સ ત્રીજા નંબરે છે.