હાલમાં ટીમ ઈન્ડિયા વેસ્ટ ઈન્ડિઝ અને અમેરિકામાં રમાઈ રહેલા T20 વર્લ્ડ કપ 2024માં શાનદાર ફોર્મમાં જોવા મળી રહી છે. ભારતીય ટીમના મજબૂત ખેલાડીઓ જસપ્રિત બુમરાહ અને અક્ષર પટેલ ટીમને મેગા ઈવેન્ટ જીતવામાં મદદરૂપ ભૂમિકા ભજવી રહ્યા છે.
આ બધાની વચ્ચે ભારતીય ક્રિકેટર અક્ષર અને બુમરાહના બેસ્ટ ફ્રેન્ડે આ મેગા ઈવેન્ટ વચ્ચે ખૂબ જ નાની ઉંમરમાં ક્રિકેટમાંથી નિવૃત્તિ લેવાની જાહેરાત કરી છે.
ભારતીય ટીમ T20 વર્લ્ડ કપ 2024માં ધૂમ મચાવી રહી છે. આ દરમિયાન બંને સ્ટાર ખેલાડીઓ સાથે ડોમેસ્ટિક ક્રિકેટ રમનાર ભારતના સ્ટાર ખેલાડી ચિરાગ ગાંધીએ નિવૃત્તિની જાહેરાત કરીને બધાને ચોંકાવી દીધા છે. ગુજરાતનો આ ખેલાડી રણજી ટ્રોફી વિજેતા ટીમનો ભાગ રહ્યો છે અને તેણે જસપ્રિત બુમરાહ અને અક્ષર પટેલ જેવા સ્ટાર ખેલાડીઓ સાથે સ્થાનિક ક્રિકેટ રમી છે.
ગુજરાતના સ્ટાર ખેલાડી ચિરાગ ગાંધીએ સંન્યાસ લઈને બધાને ચોંકાવી દીધા હતા. તેણે સોશિયલ મીડિયા પ્લેટફોર્મ ઈન્સ્ટાગ્રામ પર એક પોસ્ટ શેર કરીને પોતાની નિવૃત્તિ વિશે માહિતી આપી હતી. જેમાં તેણે પોતાના સાથી ખેલાડીઓ, કોચ અને પ્રશંસકોનો આભાર માન્યો હતો. ચિરાગ ગાંધીના આ નિર્ણય બાદ ચાહકો તેને તેના ભવિષ્ય માટે શુભકામનાઓ પાઠવી રહ્યા છે.
તેના ઘરેલુ ક્રિકેટ કરિયરના આંકડાઓ પર નજર કરીએ તો. તેના આંકડા શાનદાર રહ્યા છે, તેણે 26 ફર્સ્ટ ક્લાસ મેચોમાં 1409 રન બનાવ્યા છે. જ્યારે લિસ્ટ A ક્રિકેટમાં તેણે 49 મેચમાં 1083 રન બનાવ્યા છે.
View this post on Instagram