જ્યારે પણ ભારતીય ક્રિકેટ ટીમ અને પાકિસ્તાન ક્રિકેટ ટીમ વચ્ચે મેચ થાય છે ત્યારે આખી દુનિયાની નજર આ શાનદાર મેચ પર હોય છે. કારણ કે છેલ્લા ઘણા સમયથી ભારતીય ક્રિકેટ ટીમ અને પાકિસ્તાન ક્રિકેટ ટીમ વચ્ચે કોઈ શ્રેણી રમાઈ નથી.
પરંતુ આ દરમિયાન ક્રિકેટ ઓસ્ટ્રેલિયાએ ભારતીય ક્રિકેટ ટીમ અને પાકિસ્તાન ક્રિકેટ ટીમ વચ્ચે શ્રેણીની ઈચ્છા વ્યક્ત કરી છે. આ સાથે જ ક્રિકેટ ઓસ્ટ્રેલિયાએ પણ ભારત અને પાકિસ્તાન વચ્ચેની સીરીઝની યજમાનીને લઈને મોટું નિવેદન આપ્યું છે.
તમને જણાવી દઈએ કે ક્રિકેટ ઓસ્ટ્રેલિયાના સીઈઓએ તાજેતરમાં જ ભારત અને પાકિસ્તાન વચ્ચેની શ્રેણીની ઈચ્છા વ્યક્ત કરી છે. જેમાં ક્રિકેટ ઓસ્ટ્રેલિયાએ એક નિવેદન આપતા કહ્યું હતું કે, “જે કોઈ પણ અહીં ભારત-પાકિસ્તાન મેચ માટે MCGમાં હતું, તે તેમના માટે સૌથી યાદગાર ક્ષણોમાંથી એક બની રહેશે. લોકો સ્પર્ધા જોવા માંગે છે. જો તક મળે તો અમે તેને હોસ્ટ કરવાનું પસંદ છે.”
ક્રિકેટ ઓસ્ટ્રેલિયાના જણાવ્યા અનુસાર, જો પાકિસ્તાન ક્રિકેટ બોર્ડ અને બોર્ડ ઓફ કંટ્રોલ ફોર ક્રિકેટ ઇન ઇન્ડિયા બંને ટીમો વચ્ચેની શ્રેણી માટે સહમત થાય છે તો ઓસ્ટ્રેલિયા તેની યજમાની કરવા તૈયાર છે. પરંતુ હજુ સુધી PCB અને BCCI ભારત-પાકિસ્તાન વચ્ચેની સિરીઝને લઈને કોઈ પ્લાન બનાવી રહ્યા નથી.
તમને જણાવી દઈએ કે ભારતીય ક્રિકેટ ટીમ અને પાકિસ્તાન ક્રિકેટ ટીમ વચ્ચે છેલ્લી વખત સીરિઝ વર્ષ 2012-13માં રમાઈ હતી. જેના કારણે બંને ટીમો વચ્ચે અત્યાર સુધી કોઈ શ્રેણી રમાઈ નથી. ભારત અને પાકિસ્તાન માત્ર કેટલીક મોટી ICC ટુર્નામેન્ટમાં જ એકબીજાનો સામનો કરે છે. T20 વર્લ્ડ કપ 2024માં જૂનમાં ભારતીય ક્રિકેટ ટીમ અને પાકિસ્તાન ક્રિકેટ ટીમ વચ્ચે મોટી મેચ રમાશે.
India vs Pakistan bilateral series to be held in Australia. Cricket Australia really wants to host a big series between India and Pakistan. (Insidesport) pic.twitter.com/rgCAlT5LYt
— IPLnCricket: Everything about Cricket (@IPLnCricket) March 27, 2024