પાકિસ્તાનના દિગ્ગજ ખેલાડીએ સૂર્યકુમાર યાદવની ખુલ્લેઆમ મજાક ઉડાવી

હાલમાં જ ODI વર્લ્ડ કપ 2023 અંતર્ગત સૂર્યકુમાર યાદવનો ફ્લોપ શો જોવા મળ્યો હતો. જેના કારણે ટીમ ઈન્ડિયાને નુકસાન થયું હતું. જો કે આ પછી સૂર્યકુમાર યાદવે ઓસ્ટ્રેલિયા સામેની પ્રથમ T20 મેચમાં વિસ્ફોટક ઈનિંગ રમીને શો ચોર્યો હતો. વર્લ્ડ કપમાં ફ્લોપ રહેલા સૂર્યકુમાર યાદવની હવે ભૂતપૂર્વ ખેલાડીઓએ મજાક ઉડાવી છે. પાકિસ્તાનના ફાસ્ટ બોલર શોએબ અખ્તરે રવિ શાસ્ત્રી અને મેથ્યુ હેડનનું નિવેદન શેર કરતા સૂર્યાની મજાક ઉડાવી છે.

તમને જણાવી દઈએ કે ભારતે પ્રથમ T20 મેચમાં ઓસ્ટ્રેલિયાને બે વિકેટથી હરાવ્યું હતું. આ મેચમાં ટીમ ઈન્ડિયાની જીતનો હીરો સૂર્યકુમાર યાદવ હતો જેણે 42 બોલમાં 80 રનની ઈનિંગ રમી હતી.તેની ઈનિંગમાં સૂર્યકુમાર યાદવે 9 ચોગ્ગા અને 4 છગ્ગા ફટકાર્યા હતા.

સૂર્યકુમાર યાદવની મજાક ઉડાવવાની સાથે શોએબ અખ્તરે પૂર્વ કોચ રવિ શાસ્ત્રી પર પણ નિશાન સાધ્યું હતું. તેણે રવિ શાસ્ત્રી અને મેથ્યુ હેડનની કોમેન્ટ્રી શેર કરી. રવિ શાસ્ત્રી કહે છે, સૂર્યકુમાર યાદવ જ્યારે આ પ્રકારના ફોર્મમાં છે ત્યારે તમે તેને કેવી રીતે રોકી શકો?

આનો જવાબ આપતા તેણે મેથ્યુ હેડનની કોમેન્ટ પર લખ્યું, ‘તેને કહો કે આ એક ODI છે’. જો કે, ઘણા ભારતીય ચાહકોને શોએબ અખ્તરનું આવું કરવું પસંદ નથી આવ્યું. તમને જણાવી દઈએ કે સૂર્યકુમાર યાદવનું વર્લ્ડ કપ 2023માં ખૂબ જ ખરાબ પ્રદર્શન રહ્યું હતું. આ વર્ષે તેણે ઘણી ઓછી ODI મેચ રમી છે, પરંતુ તેને મળેલી તકોનો તે ફાયદો ઉઠાવી શક્યો નથી.સૂર્યકુમાર યાદવ T20માં ખતરનાક ખેલાડી છે, પરંતુ તે ODIમાં પોતાને સાબિત કરી શક્યો નથી.