ભારતીય ક્રિકેટના સ્ટાર બેટ્સમેન યશસ્વી જયસ્વાલને ICC દ્વારા ફેબ્રુઆરી 2024 માટે પ્લેયર ઓફ ધ મન્થનો એવોર્ડ આપવામાં આવ્યો છે. ગયા મહિને ભારત અને ઈંગ્લેન્ડ વચ્ચે રમાયેલી ટેસ્ટ શ્રેણીમાં તેના સારા પ્રદર્શનના ઈનામ તરીકે તેને આઈસીસી તરફથી આ એવોર્ડ મળ્યો છે.
તાજેતરમાં ભારતના પ્રવાસે ગયેલી ઈંગ્લેન્ડની ટીમને ભારતીય ટીમે 4-1થી ખરાબ રીતે પરાજય આપ્યો હતો. ભારત માટે શાનદાર પ્રદર્શન કરનાર ઓપનર બેટ્સમેન યશસ્વી જયસ્વાલને પ્લેયર ઓફ ધ સિરીઝનું સન્માન મળ્યું. હવે ICCએ યશસ્વીની શાનદાર રમત માટે ફેબ્રુઆરી માટે પ્લેયર ઓફ ધ મંથનો એવોર્ડ આપ્યો છે.
યશસ્વીએ ઈંગ્લેન્ડ શ્રેણી દરમિયાન રમાયેલી 5 ટેસ્ટ મેચોની 9 ઈનિંગ્સમાં 712 રન બનાવ્યા હતા. આ દરમિયાન તેણે પોતાના બેટથી 2 બેવડી સદી પણ ફટકારી હતી. પહેલા તેણે વિશાખાપટ્ટનમમાં 209 રન બનાવ્યા અને પછી તેણે રાજકોટમાં 214 રનની ઇનિંગ રમી. આ રનોના આધારે યશસ્વી સમગ્ર શ્રેણીમાં સૌથી વધુ રન બનાવનાર ખેલાડી પણ હતો.
ફેબ્રુઆરી મહિનાની વાત કરીએ તો યશસ્વીએ 112ની એવરેજથી 560 રન બનાવ્યા હતા. યશસ્વીને ICC દ્વારા ફેબ્રુઆરી 2024 માટે આ એવોર્ડ આપવામાં આવ્યો છે.
Presenting the ICC Player of the Month for February 🙌
Congratulations, Yashasvi Jaiswal 👏👏
🗣️🗣️ Hear from the #TeamIndia batter on receiving the award@ybj_19 pic.twitter.com/tl1tJepdFJ
— BCCI (@BCCI) March 12, 2024