ભારતના ભૂતપૂર્વ કેપ્ટન અને ઓલરાઉન્ડર કપિલ દેવે હાર્દિક પંડ્યાના ઓલરાઉન્ડર હોવા પર સવાલો ઉઠાવ્યા અને કહ્યું કે શું તેને ઓલરાઉન્ડર કહી શકાય જ્યારે તે બિલકુલ બોલિંગ કરતો નથી.
હાર્દિક પંડ્યાએ તાજેતરમાં પૂરા થયેલા ટી-20 વર્લ્ડ કપ 2021માં ભારત માટે માત્ર બે મેચમાં બોલિંગ કરી હતી અને ટીમ ઈન્ડિયા આ ટૂર્નામેન્ટની સેમિફાઈનલમાં પણ પહોંચી શકી નહોતી. હાર્દિક પંડ્યાએ પોતાની ફિટનેસ વિશે ખુલીને કશું કહ્યું નહોતું અને આ અંગે તેની ઘણી ટીકા પણ થઈ હતી.
ટી-20 વર્લ્ડ કપ પછી, તેને ન્યૂઝીલેન્ડ સામેની ટી-20 શ્રેણી માટે પણ ટીમમાં સામેલ કરવામાં આવ્યો ન હતો અને તેને ફરીથી ફિટનેસ મેળવવા માટે NCAમાં મોકલવામાં આવ્યો હતો. જોકે, રોહિત શર્માની કપ્તાનીમાં ટીમ ઈન્ડિયાએ આ શ્રેણી 3-0થી જીતી હતી.
કપિલ દેવે રોયલ કોલકાતા ગોલ્ફ કોર્સમાં વાત કરતા કહ્યું કે ઓલરાઉન્ડર કહેવા માટે તેણે બંને વસ્તુઓ કરવી પડશે. જો તે ઈજામાંથી સાજો થઈ રહ્યો છે તો તેને પહેલા બોલિંગ કરવા દો. તે ભારતીય ટીમ માટે ખૂબ જ મહત્વપૂર્ણ ખેલાડી છે અને તેણે બોલિંગમાં સમાન લય મેળવવાની સાથે સાથે સારું પ્રદર્શન કરવા માટે ઘણી મેચ રમવી પડશે.
બીજી તરફ કપિલ દેવે ટીમના નવા હેડ કોચ રાહુલ દ્રવિડ વિશે કહ્યું કે તે એક સારા વ્યક્તિ અને મહાન ક્રિકેટર છે. તે એક ક્રિકેટર તરીકે જેટલો હતો તેના કરતા પણ તે મુખ્ય કોચ તરીકે વધુ સફળ થશે.