ટૂંક સમયમાં સ્પષ્ટ થઈ જશે કે રોહિત શર્માને કેપ્ટનશિપ અપાવવી જોઇએ કે નહીં…..
ભારતીય ક્રિકેટ ટીમના પૂર્વ મુખ્ય પસંદગીકાર કિરણ મોરેએ ટીમ ઈન્ડિયાની કેપ્ટનશિપ અંગે મોટું નિવેદન આપ્યું છે. કિરણ મોરેના જણાવ્યા અનુસાર ટૂંક સમયમાં વિરાટ કોહલીની જગ્યાએ રોહિત શર્મા ટીમ ઈન્ડિયાનો કેપ્ટન બની શકે છે. કિરણ મોરે કહે છે કે વિરાટ કોહલીની જગ્યાએ ટૂંક સમયમાં ટીમ ઈન્ડિયાના કેટલાક ફોર્મેટમાં રોહિત શર્માની કેપ્ટન તરીકે નિમણૂક થઈ શકે છે.
કિરણ મોરેએ કહ્યું કે, આગામી સમયમાં તે ટૂંક સમયમાં સ્પષ્ટ થઈ જશે કે રોહિત શર્માને કેપ્ટનશિપ અપાવવી જોઇએ કે નહીં. તમને જણાવી દઇએ કે કેપ્ટનશિપને લઈને વિરાટ કોહલી અને રોહિત શર્મા વચ્ચે સખત સ્પર્ધા છે. રોહિત શર્માની કપ્તાની હેઠળ મુંબઈ ઈન્ડિયન્સે રેકોર્ડ પાંચ આઈપીએલ જીત્યાં છે.
રોહિત શર્મા એશિયા કપ અને નિદાહસ ટ્રોફી જેવી ટુર્નામેન્ટમાં ટીમ ઈન્ડિયાને ચેમ્પિયન બનાવી ચૂક્યો છે. તે જ સમયે, ભારતીય ટીમે વિરાટ કોહલીની કપ્તાની હેઠળ કોઈ મોટા ટાઇટલ જીત્યા નથી. આઇસીસી ટૂર્નામેન્ટ હોય કે આઈપીએલ ટૂર્નામેન્ટ, વિરાટ કોહલીની અધ્યક્ષતામાં ટીમ ઈન્ડિયા તેને જીતવામાં નિષ્ફળ રહી છે.