ઇતિહાસમાં આઇપીએલ ફક્ત બે વાર વિદેશમાં જ યોજવામાં આવી છે..
બીસીસીઆઈની ઈન્ડિયન પ્રીમિયર લીગની લોકપ્રિયતા વિશ્વભરમાં ફેલાયેલી છે. લંડન શહેરના મેયર પદ માટે ઉમેદવારી રજૂ કરવાની તૈયારી કરી રહેલા સાદિક ખાન પણ આ લીગથી ખૂબ પ્રભાવિત છે અને કોરોના વાયરસની અસર ઓછી થયા બાદ ઇંગ્લેન્ડની આ રાજધાનીમાં આઈપીએલ મેચનું આયોજન કરવા માંગે છે.
ખાનનું માનવું છે કે ભારતના સ્ટાર ખેલાડીઓ વિરાટ કોહલી અને રોહિત શર્મા લંડનમાં ખૂબ જ પ્રખ્યાત છે. તેણે કહ્યું, “હું જાણું છું કે લંડનના લોકો વિરાટ કોહલી, રોહિત શર્મા અને રીષભ પંત જેવા ખેલાડીઓને અહીંના બે મહાન ક્રિકેટ મેદાન, લોર્ડ્સ અને ઓવલ પર જોવા માંગે છે.” આઈપીએલનું આયોજન કરવા માટે લંડન એક ઉત્તમ સ્થળ છે.”
તેમણે કહ્યું કે આઈપીએલ મેચોના આચરણથી પર્યટનને વેગ મળશે અને તેનાથી આવક પણ થશે.
જણાવી દઈએ કે 14 સીઝનના ઇતિહાસમાં આઇપીએલ ફક્ત બે વાર વિદેશમાં જ યોજવામાં આવી છે. 2009 ની સીઝન દક્ષિણ આફ્રિકામાં અને 2020 ની સીઝન યુએઈમાં યોજાઇ હતી. જોકે, 2014 માં યુએઈમાં કેટલીક આઈપીએલ મેચ રમવામાં આવી હતી.