ટી-20 વર્લ્ડ કપમાં ટીમ ઈન્ડિયા તેની શરૂઆતની બંને મેચ ખરાબ રીતે હારી ગયા બાદ સોશિયલ મીડિયા પર ભારે ખેંચાઈ હતી. ખાસ કરીને વિરાટ કોહલી ચાહકોના નિશાના પર હતો.
વિરાટ કોહલી અને અભિનેત્રી અનુષ્કા શર્માની પુત્રીને ધમકી આપનાર વ્યક્તિની મુંબઈ પોલીસે હૈદરાબાદથી ધરપકડ કરી છે. મુંબઈ પોલીસના સાયબર સેલ દ્વારા આરોપીની ધરપકડ કરવામાં આવી છે. હવે પોલીસની ટીમ આરોપીને મુંબઈ લાવી રહી છે.
તમને જણાવી દઈએ કે સોશિયલ મીડિયા પર કેપ્ટન વિરાટ કોહલી, તેની પુત્રી વામિકાના પરિવારને લઈને ધમકીઓ અને અપશબ્દોનો ઉપયોગ કરવામાં આવ્યો હતો. દિલ્હી મહિલા આયોગે પણ આ મુદ્દે કાર્યવાહી કરી હતી.
Aaj Tak એ સૂત્રોને ટાંકીને જણાવ્યું હતું કે આરોપીની ઓળખ રામનાગેશ શ્રીનિવાસ અકુબાથિની તરીકે થઈ છે, જે 23 વર્ષનો છે. આરોપીની હૈદરાબાદથી ધરપકડ કરવામાં આવી છે. તે ત્યાંનો રહેવાસી છે. આરોપી વિદ્યાર્થી હોવાનું કહેવાય છે. તે અગાઉ ફૂડ ડિલિવરી એપ માટે સોફ્ટવેર ડેવલપર તરીકે કામ કરતો હતો, આરોપી સોફ્ટવેર એન્જિનિયર છે. તેણે આઈઆઈટી હૈદરાબાદમાંથી બીટેક કર્યું છે.
ઉલ્લેખનીય છે કે, ટી-20 વર્લ્ડ કપમાં ભારતને સતત બે હારનો સામનો કરવો પડ્યો છે. પહેલા પાકિસ્તાન અને પછી ન્યુઝીલેન્ડે ટીમ ઈન્ડિયાને હરાવ્યું. ટીમ ઈન્ડિયા પ્રત્યે ચાહકોની નારાજગી એટલી બધી હતી કે કેટલાક લોકોએ તો તમામ હદો વટાવી દીધી હતી.