પાકિસ્તાનના ભૂતપૂર્વ ફાસ્ટ બોલર મોહમ્મદ સામીનું કહેવું છે કે તેણે દેશબંધુ શોએબ અખ્તર કરતાં બે વાર ઝડપી બોલિંગ કરી હતી પરંતુ તેનો શ્રેય તેને મળ્યો નથી.
મેચમાં તેની ઝડપની ગણતરી કરવામાં આવી ન હતી. અખ્તરે 2002માં ન્યૂઝીલેન્ડ સામેની મેચમાં 161 કિમી પ્રતિ કલાકની ઝડપે બોલિંગ કરી હતી. જોકે, મોહમ્મદ સામીનું કહેવું છે કે તેણે બે વખત 160 કિમી પ્રતિ કલાકથી વધુની ઝડપે બોલિંગ કરી હતી અને બંને વખત તેની સ્પીડ શોએબ અખ્તર કરતાં વધુ હતી.
સામીએ કહ્યું કે મેં એક મેચમાં 162 અને 164 કિમીની સ્પીડ હાંસલ કરી હતી. પછી મને કહેવામાં આવ્યું કે બોલિંગ મશીન કામ કરતું નથી. તેથી તે ગણાશે નહીં. સામીના નામે અત્યાર સુધી 156.4 કિલોમીટર પ્રતિ કલાકની ઝડપે બોલ ફેંકવાનો સત્તાવાર રેકોર્ડ છે. તેણે આ બોલ 2003માં શારજાહમાં ઝિમ્બાબ્વે સામે ફેંક્યો હતો. સામીએ માર્ચ 2001માં ન્યૂઝીલેન્ડ સામે ટેસ્ટ ડેબ્યૂ કર્યું હતું. તેણે તેની છેલ્લી મેચ માર્ચ 2016માં ઓસ્ટ્રેલિયા સામે રમી હતી. તેણે પોતાની કારકિર્દીમાં 36 ટેસ્ટ, 87 વનડે અને 13 ટી20 મેચ રમી છે.
સૌથી ઝડપી બોલર
શોએબ અખ્તર – 161.3 કિમી/કલાક
બ્રેટ લી – 161.1 કિમી/કલાક
શોન ટેટ – 161.1 કિમી/કલાક
જેફ થોમસન – 160.6 કિમી/કલાક
મિચ સ્ટાર્ક – 160.4 કિમી/કલાક
એન્ડી રોબર્ટ્સ – 159.5 કિમી/કલાક
ફિડેલ એડવર્ડ્સ – 157.7 કિમી/કલાક
મિશેલ જોન્સન – 156.8 કિમી/કલાક
મોહમ્મદ સામી – 156.4 કિમી/કલાક