પાકિસ્તાન ક્રિકેટ બોર્ડના વડા નજમ સેઠીએ કહ્યું છે કે જો તેઓ આ વર્ષે એશિયા કપ નહીં રમે તો ટૂર્નામેન્ટમાંથી લગભગ 3 મિલિયન ડોલરની કમાણીનું નુકસાન થઈ શકે છે. સેઠીએ કહ્યું કે પાકિસ્તાન નુકસાન સહન કરવા તૈયાર છે કારણ કે તે સિદ્ધાંતની બાબત છે.
તેમણે કહ્યું, “અમે સ્પષ્ટપણે કહ્યું છે કે જો એશિયા કપ હાઇબ્રિડ ધોરણે (ભારતની મેચ તટસ્થ સ્થળોએ અને બાકીની પાકિસ્તાનમાં) ના યોજાય તો અમે અન્ય કોઈ શેડ્યૂલને સ્વીકારીશું નહીં કે રમીશું નહીં.” પાકિસ્તાન સપ્ટેમ્બરમાં એશિયા કપની યજમાની કરવાનું છે પરંતુ ટૂર્નામેન્ટના સ્થળને લઈને અસ્પષ્ટતા છે કારણ કે ભારતે સ્પષ્ટ કર્યું છે કે તે પાકિસ્તાનમાં નહીં રમે.
સેઠીએ કહ્યું, “હવે ભારત માટે સુરક્ષાનો મુદ્દો નથી અને અમે તેમને કહ્યું છે કે જો સરકાર પાકિસ્તાનમાં રમવાની પરવાનગી ન આપી રહી હોય તો અમને લેખિત પુરાવા બતાવો.” તેણે કહ્યું, જ્યારે ઓસ્ટ્રેલિયા, ઈંગ્લેન્ડ, ન્યુઝીલેન્ડ સહિતની અન્ય ટીમો પાકિસ્તાનમાં રમવા માટે તૈયાર છે, ત્યારે ભારત માટે પાકિસ્તાન આવવા માટે સુરક્ષાનો કોઈ મુદ્દો ન હોવો જોઈએ.”