નેપાળ ક્રિકેટ ટીમે પ્રથમ વખત એશિયા કપમાં પહોંચીને ઈતિહાસ રચ્યો

નેપાળે મંગળવારે ACC મેન્સ પ્રીમિયર કપની ફાઇનલમાં સંયુક્ત આરબ અમીરાત (UAE) ને સાત વિકેટે હરાવીને એશિયાની પ્રીમિયર ક્રિકેટ ઇવેન્ટ એશિયા કપમાં સ્થાન મેળવ્યું હતું. UAEએ નેપાળને વરસાદને કારણે શરૂ થયેલી મેચમાં 118 રનનો લક્ષ્યાંક આપ્યો હતો.

નેપાળે આ લક્ષ્યાંક 17 વર્ષના ગુલશન કુમાર (84 બોલ, 67 રન)ની અણનમ અડધી સદીની મદદથી ત્રણ વિકેટ ગુમાવીને 30.3 ઓવરમાં હાંસલ કરી લીધો હતો.

નેપાળે પ્રથમ વખત એશિયા કપમાં જગ્યા બનાવી છે. સપ્ટેમ્બરમાં યોજાનારી ઈવેન્ટમાં તેનો મુકાબલો ગ્રુપ-એમાં ભારત અને પાકિસ્તાન સામે થશે. UAE અને ઓમાન, જેઓ પ્રીમિયર કપમાં અનુક્રમે 2જા અને 3જા ક્રમે રહ્યા હતા, તેઓ નેપાળ સાથે ACC ના ‘ઇમર્જિંગ ટીમ્સ એશિયા કપ’માં પણ ભાગ લેશે જ્યાં તેઓ ટોચના પાંચ એશિયન દેશોની A-ટીમો સામે ટકરાશે.

છ- ટીમ એશિયા કપ આ મેચો 2 થી 17 સપ્ટેમ્બર દરમિયાન રમાશે, જોકે સ્થળ અંગેની અનિશ્ચિતતાને કારણે મેચોનું ચોક્કસ શેડ્યૂલ હજુ જાહેર કરવામાં આવ્યું નથી.