ભારતીય ક્રિકેટ ટીમ બે મેચની ટેસ્ટ શ્રેણીની છેલ્લી મેચમાં વેસ્ટ ઈન્ડિઝ સામે લડી રહી છે. આ મેચના ચોથા દિવસના અંત સુધીમાં વેસ્ટ ઈન્ડિઝની ટીમે 76 રનમાં પોતાની 2 વિકેટ ગુમાવી દીધી છે. આ બંને વિકેટ રવિચંદ્રન અશ્વિને લીધી હતી. અશ્વિને આ મેચની પ્રથમ ઇનિંગમાં 1 વિકેટ લીધી હતી. આ સાથે અશ્વિને એક મોટો રેકોર્ડ પોતાના નામે કરી લીધો છે.
વેસ્ટ ઈન્ડિઝ સામે રવિચંદ્રન અશ્વિનનો રેકોર્ડ હંમેશા પ્રભાવશાળી રહ્યો છે. બોલ સિવાય આ ખેલાડી બેટથી પણ આ ટીમ સામે શાનદાર પ્રદર્શન કરી રહ્યો છે. અશ્વિને આ શ્રેણીની પ્રથમ મેચમાં કુલ 12 વિકેટ ઝડપી હતી. આ કારણે હવે અશ્વિન વેસ્ટ ઈન્ડિઝ સામે સૌથી વધુ વિકેટ લેનારા ભારતીય બોલરોની યાદીમાં બીજા નંબરે પહોંચી ગયો છે. તેણે આ મામલે અનિલ કુંબલેને પાછળ છોડી દીધો છે.
વેસ્ટ ઈન્ડિઝ સામે ભારતીય દ્વારા સૌથી વધુ ટેસ્ટ વિકેટ લેનાર બોલર:
89- કપિલ દેવ
75 – રવિચંદ્રન અશ્વિન
74 – અનિલ કુંબલે
68 – શ્રીનિવાસ વેંકટરાઘવન
65 – ભાગવત ચંદ્રશેખર