સચિન તેંડુલકરે કોહલીના કર્યા વખાણ કહ્યું, ‘તેનામાં હજી ઘણું ક્રિકેટ બાકી છે’

ટીમ ઈન્ડિયાના દિગ્ગજ બેટ્સમેન વિરાટ કોહલીને ક્રિકેટ ઈતિહાસના શ્રેષ્ઠ બેટ્સમેનોમાંના એક માનવામાં આવે છે. વિરાટે તાજેતરમાં પૂરા થયેલા ICC ક્રિકેટ વર્લ્ડ કપ 2023માં શાનદાર પ્રદર્શન કરીને આ સાબિત કર્યું છે.

દરમિયાન, મીડિયા રિપોર્ટમાં એવો દાવો કરવામાં આવી રહ્યો છે કે કોહલી સફેદ બોલ ક્રિકેટને અલવિદા કહી શકે છે. તેણે દક્ષિણ આફ્રિકા સામેની T20 અને ODI શ્રેણીમાંથી પણ બ્રેક લીધો છે. જોકે, ક્રિકેટના ભગવાન સચિન તેંડુલકરનું માનવું છે કે વિરાટમાં હજુ ઘણું ક્રિકેટ બાકી છે.

ભૂતપૂર્વ ભારતીય બેટ્સમેન અને ક્રિકેટના ભગવાન સચિન તેંડુલકરને લાગે છે કે વિરાટ કોહલીમાં હજુ પણ ઘણું ક્રિકેટ બાકી છે અને તે દેશ માટે જીતવાની ભૂખ ધરાવે છે. ESPNcricinfo સાથે વાત કરતી વખતે, 50 વર્ષીય સચિને કહ્યું, “મને વિશ્વાસ છે કે વિરાટની સફર હજુ પૂરી થઈ નથી. હજુ પણ તેનામાં ઘણું ક્રિકેટ અને રન બાકી છે. હજુ પણ તેનામાં દેશ માટે વધુ વસ્તુઓ હાંસલ કરવાની ઈચ્છા અને ભૂખ બાકી છે.”

કોહલીની સમગ્ર કારકિર્દી પર નજર કરીએ તો તેણે 518 આંતરરાષ્ટ્રીય મેચોમાં 54.36ની એવરેજથી 26532 રન બનાવ્યા છે. કિંગ કોહલીના નામે પણ કુલ 80 સદી અને 138 અડધી સદી છે.