ભારતીય ટીમના પૂર્વ કેપ્ટન વિરાટ કોહલી લાંબા સમયથી આઉટ ઓફ ફોર્મ છે. દેશ-વિદેશના જૂના ખેલાડીઓએ જલ્દી ફોર્મમાં પરત ફરવાની આશા વ્યક્ત કરી છે.
આ મુશ્કેલ સમયમાં કોહલીને સાથ આપ્યો છે. તેમાં ન્યૂઝીલેન્ડના પૂર્વ ક્રિકેટર સ્કોટ સ્ટાયરિસ પણ સામેલ છે. દરેક જણ વર્લ્ડ ક્લાસ નંબર વન બેટ્સમેનની રાહ જોઈ રહ્યા છે.
ન્યૂઝીલેન્ડના દિગ્ગજ ઓલરાઉન્ડર સ્કોટ સ્ટાયરિસે ‘સ્પોર્ટ્સ ઓવર ધ ટોપ’ શોમાં કહ્યું છે કે પસંદગીકારો પસંદગી પ્રક્રિયામાં ઘણા અલગ-અલગ માપદંડો પર ખેલાડીઓની પસંદગી કરે છે. તેઓ માત્ર શ્રેષ્ઠ ખેલાડીઓ અને ટીમ બનાવવા પર ધ્યાન આપતા નથી. પસંદગીકારો પાસે વધુ સારી પદ્ધતિ છે. તેના દ્વારા તેઓ આખી ટીમ પસંદ કરે છે. સ્કોટ સ્ટાયરિસે એમ પણ કહ્યું કે, જો વિરાટ કોહલીને ઝિમ્બાબ્વે પ્રવાસ માટે ટીમમાં પસંદ ન કરવામાં આવે તો તેના માટે કોઈ મોટી ખોટ નથી. વિરાટે થોડો સમય વિરામ લેવો જોઈએ અને તેના શ્રેષ્ઠ પ્રદર્શનની આશા સાથે ફરી પાછા આવવું જોઈએ.
સ્કોટ સ્ટાઈરિસે કહ્યું છે કે વિરાટ કોહલીએ આ અંગે ટીમ ઈન્ડિયાના મુખ્ય કોચ રાહુલ દ્રવિડ સાથે વાત કરવી જોઈએ જેથી તે વધુ સારું પ્રદર્શન કરે અને પોતાનું 100 ટકા આપે. તેની પાસે તેના માટે સારી યોજના હશે. વિરાટે વર્લ્ડ કપની શરૂઆત સુધીમાં તેના જૂના ફોર્મમાં પાછા આવવા માટે દ્રવિડની સલાહ લેવી પડશે.