શોએબ અખ્તરે આ મામલે બાબર આઝમને રાજીનામું આપવાની સલાહ આપી

અખ્તરે અનેક વખત પાકિસ્તાનના પૂર્વ કેપ્ટન સરફરાઝનો વિરોધ કર્યો હતો…

પાકિસ્તાન ટીમમાં મોટો વિવાદ સર્જાયો હોય તેવું લાગી રહ્યું છે. ઝિમ્બાબ્વે અને દક્ષિણ આફ્રિકા પ્રવાસ માટે પીસીબી દ્વારા પસંદ કરેલી ટી -20 ટીમમાં પાકિસ્તાન ટીમનો કેપ્ટન બાબર આઝમ ખુશ નથી. અહેવાલ મુજબ બાબર આઝમે પીસીબી સાથે પણ આ વિશે વાત કરી હતી, પરંતુ તેના પર કોઈ કાર્યવાહી કરવામાં આવી ન હતી. રિપોર્ટમાં એમ પણ કહેવામાં આવ્યું છે કે બાબર આઝમ પાકિસ્તાનના મુખ્ય પસંદગીકાર સાથે દલીલ કરે છે. હવે પાકિસ્તાન ટીમના પૂર્વ ફાસ્ટ બોલર શોએબ અખ્તરે આ મુદ્દે પોતાનું નિવેદન આપ્યું છે.

શોએબ અખ્તરે બાબર આઝમ પર હતું કે અમે સાંભળ્યું છે કે પીસીબીએ પાકિસ્તાન ટીમના કેપ્ટન બાબર આઝમની સલાહને અવગણી હતી. જો બાબર આથી નારાજ છે અને મોટી બ્રાન્ડ બનવા માંગે છે, તો તેણે આ વખતે રાજીનામું આપવું જોઈએ અને સંદેશ મોકલવો જોઈએ કે તે ફરીથી ન થાય. જો તે આમ નહીં કરે તો તે સરફરાઝ અહેમદ પાર્ટ ટુ બની જશે.

શોએબ અખ્તરે અનેક વખત પાકિસ્તાનના પૂર્વ કેપ્ટન સરફરાઝનો વિરોધ કર્યો હતો. શોએબ અખ્તરના કહેવા પ્રમાણે સરફરાઝ ટીમના કોચ મિકી આર્થર સામે પોતાની બાજુ રજૂ કરતો નથી. તે ટીમની પસંદગી દરમિયાન પણ પોતાનો મુદ્દો રાખી શક્યો ન હતો. આ કારણોસર તેની ખૂબ ટીકા થઈ હતી. શોએબ અખ્તર દ્વારા બાબર આઝમને રાજીનામું આપવાની સલાહ આપવામાં આવી છે.