લગભગ ત્રણ વર્ષ પહેલાં BCCI પ્રમુખ પદ પરથી રાજીનામું આપ્યા પછી, ભૂતપૂર્વ ભારતીય કેપ્ટન સૌરવ ગાંગુલી ક્રિકેટ એસોસિએશન ઓફ બંગાળ (CAB) ની આગામી ચૂંટણીમાં પ્રમુખ પદ માટે પોતાનું નામાંકન દાખલ કરી શકે છે.
ગાંગુલી 2019 સુધી CAB પ્રમુખ હતા. તેમણે 2014માં સ્વર્ગસ્થ જગમોહન દાલમિયાના નેતૃત્વ હેઠળ રાજ્ય એકમના સચિવ તરીકે પોતાનો કાર્યકાળ શરૂ કર્યો હતો.
ત્યારબાદ 2019માં, તેઓ સર્વાનુમતે BCCI પ્રમુખ તરીકે ચૂંટાયા અને જય શાહ સચિવ બન્યા. પરંતુ એક કાર્યકાળ પૂર્ણ કર્યા પછી, ગાંગુલીની જગ્યાએ 1983ના વર્લ્ડ કપ હીરો રોજર બિન્ની આવ્યા.
રાજ્ય એકમમાં ચાલી રહેલા વિકાસથી વાકેફ એક વરિષ્ઠ CAB અધિકારીએ નામ ન આપવાની શરતે PTI ને જણાવ્યું હતું કે, “હા, સૌરવ મેનેજમેન્ટ સિસ્ટમમાં પાછા ફરવા માટે ઉત્સુક છે. તેમણે CAB પ્રમુખ પદ માટે પોતાનું નામાંકન દાખલ કરવાનું મન બનાવી લીધું છે. BCCI બંધારણ મુજબ જોવામાં આવે તો, તેમની પાસે પાંચ વર્ષ બાકી છે (રાજ્ય સંસ્થામાં કુલ નવ વર્ષ). હજુ સુધી સ્પષ્ટ નથી કે તેઓ સર્વસંમતિથી ચૂંટાશે કે ચૂંટણી થશે.”
હાલના CAB પ્રમુખ સ્નેહાશિષ ગાંગુલી સૌરવના મોટા ભાઈ છે. તેઓ છ વર્ષ પૂર્ણ કરશે જેના પછી તેમને લોઢા સમિતિ દ્વારા ભલામણ કરાયેલ બંધારણ મુજબ ફરજિયાત વિરામ લેવો પડશે.
તમને જણાવી દઈએ કે સૌરવ ગાંગુલી પાસે બોર્ડ ચલાવવાનો સારો અનુભવ છે. જો તેઓ CABના પ્રમુખ બને છે, તો બંગાળની રાજ્ય ટીમને પણ ઘણો ફાયદો થશે. હાલમાં, સૌરવ ગાંગુલીનો મોટો ભાઈ સ્નેહાશિષ ગાંગુલી CABના પ્રમુખ છે.