શ્રીલંકાએ ભારત સામેની આગામી T20 અને ODI શ્રેણી માટે 20 સભ્યોની ટીમની જાહેરાત કરી છે. ભારત અને શ્રીલંકા વચ્ચે આવતા મહિનાથી ત્રણ ટી-20 અને ત્યારબાદ 10 થી 15 જાન્યુઆરી સુધી એટલી જ મેચોની વનડે શ્રેણી રમાશે.
ઓલરાઉન્ડર વાનિન્દુ હસરાંગાને ભારત સામે 3 જાન્યુઆરીથી શરૂ થનારી T20I શ્રેણી માટે શ્રીલંકાની ટીમના ઉપ-કેપ્ટન તરીકે નિયુક્ત કરવામાં આવ્યો છે.
શ્રીલંકા ક્રિકેટ પસંદગી સમિતિએ બુધવારે ભારત સામેની આગામી શ્રેણી માટે 20 સભ્યોની ટીમની પસંદગી કરી છે. શ્રીલંકાના રમતગમત અને યુવા બાબતોના પ્રધાન રોશન રણસિંઘે ટીમ માટે તેમની મંજૂરી આપી હતી.
ભાનુકા રાજપક્ષે, નુવાન તુશારા માત્ર T20I શ્રેણીમાં જ જોવા મળશે, જ્યારે જેફરી વાંડરસે અને નુવાનિડુ ફર્નાન્ડોને ODI ટીમમાં સ્થાન આપવામાં આવ્યું છે. તે જ સમયે, T20 અને ODI શ્રેણી માટે અલગ-અલગ વાઇસ-કેપ્ટનની પસંદગી કરવામાં આવી છે. કુસલ મેન્ડિસને વનડે અને વાનિંદુ હસરંગાને ટી-20 સિરીઝ માટે ટીમનો વાઇસ કેપ્ટન બનાવવામાં આવ્યો છે.
ભારત સામે શ્રીલંકાની ટીમઃ
દાસુન શનાકા (કેપ્ટન), પથુમ નિસાન્કા, અવિષ્કા ફર્નાન્ડો, સદીરા સમરવિક્રમા, કુસલ મેન્ડિસ, ભાનુકા રાજપક્ષે, ચારિથ અસલંકા, ધનંજય ડી સિલ્વા, વાનિન્દુ હસરાંગા, એશેન બંદારા, મહેશ ટેકશાના, જેફરી વાન્ડરસે, મદુન ચાંદુકા, નુશાન રાજપક્ષે, નુસૈન રાજપક્ષે, નુસૈન રાજપક્ષે, દુનિથ વેલાગે, પ્રમોદ મદુશન, લાહિરુ કુમારા, નુવાન તુશારા.