સુરેશ રૈના યુએઈથી પરત ફર્યો, સીએસકે સ્ટાર આ વખતે આઈપીએલ નહીં રમે

ભારત પરત આવ્યો છે અને આઈપીએલ -2020 માટે ઉપલબ્ધ રહેશે નહીં…

આ દરમિયાન અચાનક સમાચાર આવ્યા છે કે બેટ્સમેન સુરેશ રૈના સંયુક્ત આરબ અમીરાત (યુએઈ) થી પાછો ફર્યો છે. તે વ્યક્તિગત કારણોસર પરત ફર્યો છે. ચેન્નાઈ સુપર કિંગ્સ (સીએસકે) એ ટ્વીટ કર્યું છે કે સુરેશ રૈના અંગત કારણોસર ભારત પરત આવ્યો છે અને આઈપીએલ -2020 માટે ઉપલબ્ધ રહેશે નહીં.

15 ઓગસ્ટના રોજ 33 વર્ષીય સુરેશ રૈનાએ આંતરરાષ્ટ્રીય ક્રિકેટને અલવિદા કહ્યું હતું. આ પછી તે આઈપીએલના સંક્ષિપ્ત પ્રેક્ટિસ કેમ્પમાં પણ જોડાયો. તે ટીમના દુબઇ જવા રવાના થયો હતો, જ્યાં સીએસકેની ટીમ ‘તાજ’માં રોકાઈ રહી છે.

ચેન્નાઈ સુપર કિંગ્સ માટે આ મોટો ફટકો માનવામાં આવશે. એક દિવસ પહેલા સમાચાર આવ્યા હતા કે ટીમ ઈન્ડિયાના હાલના બોલર સહિત ટીમના ઘણા સ્ટાફ કોરોના પોઝિટિવ હોવાનું જાણવા મળ્યું છે. સમાચાર મુજબ તે બોલર દીપક ચહરને માનવામાં આવી રહ્યો છે.