IPL 2024 વચ્ચે અચાનક આ ખેલાડીને બોર્ડે તેને સેન્ટ્રલ કોન્ટ્રાક્ટમાંથી હટાવ્યો

ઈન્ડિયન પ્રીમિયર લીગની 17મી સિઝન પૂરજોશમાં ચાલી રહી છે. દરરોજ ચાહકો રોમાંચક મેચો જોવા મળી રહ્યા છે. જોકે, આ દરમિયાન બોર્ડે તેનો સેન્ટ્રલ કોન્ટ્રાક્ટ જાહેર કર્યો છે, જેમાં મજબૂત ખેલાડીને સ્થાન મળ્યું નથી.

આ ખેલાડી IPLમાં સતત રમી રહ્યો છે, તેથી તેનું સેન્ટ્રલ કોન્ટ્રાક્ટમાંથી બહાર થવું બધા માટે આશ્ચર્યજનક છે. આવો તમને જણાવીએ કે આ ખેલાડી કોણ છે અને તે IPLમાં કઈ ટીમ માટે રમી રહ્યો છે.

IPL 2024 દરમિયાન લખનૌ સુપર જાયન્ટ્સ (LSG)ના ઓલરાઉન્ડર માર્કસ સ્ટોઈનિસને મોટો ઝટકો લાગ્યો છે. ઓસ્ટ્રેલિયન ક્રિકેટ બોર્ડે તેને 2024-2025 માટે સેન્ટ્રલ કોન્ટ્રાક્ટમાંથી બાકાત રાખ્યો છે. આ વખતે બોર્ડે આ ખાસ યાદીમાં 23 ખેલાડીઓનો સમાવેશ કર્યો છે, જેમાં 4 નવા ખેલાડીઓ પણ સામેલ છે. યુવા ખેલાડીઓ ઝેવિયર બાર્ટલેટ, નાથન એલિસ, મેટ શોર્ટ અને એરોન હાર્ડીને પ્રથમ વખત સેન્ટ્રલ કોન્ટ્રાક્ટ મળ્યો છે. પરંતુ માર્કસ સ્ટોઈનિસ આ યાદીમાં પોતાનું સ્થાન બનાવી શક્યા નથી.

સ્ટોઈનિસે ઓસ્ટ્રેલિયા માટે તેની છેલ્લી આંતરરાષ્ટ્રીય મેચ ફેબ્રુઆરીમાં વેસ્ટ ઈન્ડિઝ સામે રમી હતી, પરંતુ તેમ છતાં તેને સેન્ટ્રલ કોન્ટ્રાક્ટ મળ્યો ન હતો તે ખૂબ જ આશ્ચર્યજનક છે.

34 વર્ષીય માર્કસ સ્ટોઇનિસે ઓગસ્ટ 2015માં ઓસ્ટ્રેલિયા માટે ટી20 ફોર્મેટમાં ડેબ્યૂ કર્યું હતું. ત્યારથી, તેણે પીળી જર્સીવાળી ટીમ માટે 70 ODI મેચોમાં 27.03ની સરેરાશથી 1487 રન બનાવ્યા છે. આ સિવાય તેણે ODI ક્રિકેટમાં 48 વિકેટ પણ લીધી છે.

જ્યારે ટી20 ઈન્ટરનેશનલની વાત કરીએ તો માર્કસે 59 મેચોમાં 29.37ની એવરેજ અને 145.06ની સ્ટ્રાઈક રેટથી 940 રન બનાવ્યા છે. આ દરમિયાન તેણે પોતાના બેટથી 2 અડધી સદી પણ ફટકારી છે. આ સિવાય તેણે 20 ઓવરના ફોર્મેટમાં 29 વિકેટ પણ લીધી છે.