કૃણાલ પંડ્યા અને પંખુરી શર્માના ઘરે આવ્યા નાનો મહેમાન, આ નામ રાખ્યું

ઈન્ડિયાના ઓલરાઉન્ડર કૃણાલ પંડ્યા અને પંખુરી શર્માના ઘરે એક નાનો મહેમાન આવ્યો છે. કૃણાલ પહેલીવાર પિતા બન્યો છે. આ વાતનો ખુલાસો ખુદ કૃણાલ પંડ્યાએ સોશિયલ મીડિયા દ્વારા કર્યો છે અને પુત્રનું નામ પણ આપ્યું છે.

ડોમેસ્ટિક ક્રિકેટ અને આઈપીએલમાં શાનદાર પ્રદર્શન કરવા છતાં ટીમ ઈન્ડિયાની બહાર ચાલી રહેલા કૃણાલ પંડ્યાએ ટ્વિટર દ્વારા પિતા બનવાની માહિતી શેર કરી છે.

કૃણાલ પંડ્યાએ તેની પત્ની પંખુરી શર્મા સાથે તેના પુત્રની બે તસવીરો શેર કરી છે. એક તસવીરમાં કપલ તેમના પુત્રને કિસ કરતા જોવા મળે છે, જ્યારે અન્ય તસવીરમાં કૃણાલ અને પંખુરી તેની પ્રશંસા કરતા જોવા મળે છે. જેમાં તેણે પુત્રનું નામ ‘કવીર કૃણાલ પંડ્યા’ જણાવતા લખ્યું છે. કૃણાલે ગ્લોબનું એક ઇમોજી મૂક્યું છે, જેને કહી શકાય કે તે તેને પોતાની દુનિયા માને છે.

તમારી જાણકારી માટે તમને જણાવી દઈએ કે કૃણાલ પંડ્યા અને મોડલ પંખુરી શર્માએ 27 ડિસેમ્બર 2017ના રોજ લગ્ન કર્યા હતા. લગ્નના લગભગ પાંચ વર્ષ બાદ તેઓ માતા-પિતા બન્યા છે. તમને જાણીને નવાઈ લાગશે કે પંખુરીને ક્રિકેટ જોવાનું પસંદ નથી, પરંતુ તે કૃણાલ પંડ્યાની તમામ મેચો જુએ છે. કૃણાલ પંડ્યાએ 2018માં T20 આંતરરાષ્ટ્રીય ક્રિકેટમાં ડેબ્યૂ કર્યું હતું. ત્યારથી તે 19 T20 અને 5 ODI મેચ રમ્યો છે.