પાકિસ્તાની ક્રિકેટ ટીમ હાલમાં બાંગ્લાદેશના પ્રવાસે છે, જ્યાં તેને 19 નવેમ્બરથી 3 ટી20 મેચોની શ્રેણી રમવાની છે. આ પ્રવાસ પહેલા પ્રેક્ટિસ સેશન દરમિયાન પાકિસ્તાની ક્રિકેટ ટીમના એક પગલાથી ભારે હોબાળો મચી ગયો છે.
વાસ્તવમાં, પ્રેક્ટિસ સેશન દરમિયાન, પાકિસ્તાની ક્રિકેટ ટીમે મીરપુરના મેદાન પર પોતાના દેશનો ધ્વજ લગાવ્યો, જેના પર વિવાદ ઉભો થયો છે. બાંગ્લાદેશના ઘણા ચાહકોએ તેને દેશની આઝાદીની સુવર્ણ જયંતિની ઉજવણી પહેલા એક રાજકીય પગલું ગણાવ્યું છે.
બાંગ્લાદેશી ચાહકોએ સોશિયલ મીડિયા પર પૂછ્યું કે ઘણા દેશો બાંગ્લાદેશ આવે છે અને ઘણી મેચ રમે છે, પરંતુ પ્રેક્ટિસ સેશનમાં કોઈ દેશે પોતાના દેશનો ધ્વજ ઊંચો કર્યો નથી. પાકિસ્તાની ક્રિકેટ ટીમે આવું કેમ કર્યું? તેઓ શું સાબિત કરવા માંગે છે?
આ ઘટના બાદ પાકિસ્તાની ટીમને સોશિયલ મીડિયા પર ભારે ટ્રોલ કરવામાં આવી રહી છે અને તેમને પ્રેક્ટિસ સેશન દરમિયાન ઝંડા હટાવવા માટે પણ કહેવામાં આવ્યું હતું. સાથે જ કેટલાક યુઝર્સે તેને શરમજનક ગણાવ્યું હતું. ચાહકોએ આ શ્રેણીને રદ કરવાની અને આવા પગલા પર પ્રતિબંધની માંગ કરી છે.
પાકિસ્તાન ક્રિકેટ બોર્ડે એક સ્પષ્ટતામાં કહ્યું છે કે છેલ્લા બે મહિનાથી તેઓ ટીમની પ્રેક્ટિસ દરમિયાન મેદાનમાં દેશનો ધ્વજ લહેરાવી રહ્યા છે. બાંગ્લાદેશ ક્રિકેટ બોર્ડે આ અંગે કોઈ ટિપ્પણી કરી નથી. જણાવી દઈએ કે આ પ્રવાસમાં પાકિસ્તાન અને બાંગ્લાદેશ વચ્ચે 3 મેચની ટી-20 સીરીઝ અને 2 ટેસ્ટ મેચ રમાશે. T20 શ્રેણી 19 નવેમ્બરથી 22 નવેમ્બર સુધી રમાશે. 2 મેચોની ટેસ્ટ શ્રેણી 26 નવેમ્બરથી 8 ડિસેમ્બર સુધી રમાશે.
Pakistan team training and practice session underway in Dhaka, Bangladesh #HarHaalMainCricket | #BANvPAK pic.twitter.com/zHcLajpwtq
— Pakistan Cricket (@TheRealPCB) November 16, 2021