વિશ્વના સૌથી વૃદ્ધ ક્રિકેટર વસંત રાયજીના ક્રિકેટ કેરિયર પર એક નજર

કોણ હતા વસંત રાયજી? જાણો તેમની ક્રિકેટ કેરિયરની વાતો..

વિશ્વના સૌથી વૃદ્ધ ક્રિકેટર અને ભારતના ભૂતપૂર્વ રણજી ખેલાડી વસંત રાયજીનું આજે નિધન થયું છે. ખબર ને અનુસાર રાયજીએ શનિવારે સવારે અંતિમ શ્વાસ લીધા હતા. રાયજી 100 વર્ષના હતા. બીસીસીઆઈ અને સચિન તેંડુલકર સહિત ઘણા ભૂતપૂર્વ ક્રિકેટરોએ રાયજીના નિધન પર શોક વ્યક્ત કર્યો છે. આ વર્ષે 26 જાન્યુઆરીએ રાયજી 100 વર્ષના થાયા હતા. ‘સચિન તેંડુલકર અને સ્ટીવ વો’ એ રાયના 100 માં જન્મદિવસની ઉજવણીમાં ભાગ પણ લીધો હતો.

ભારતની પ્રથમ મેચ

રાયજી 13 વર્ષના હતા જ્યારે ભારતે પહેલી ટેસ્ટ મેચ હોમ ગ્રાઉન્ડ પર રમી હતી. જોકે, તેઓ 1932માં મુંબઇના જીમખાનામાં આ મેચ જોવામાં સફળ રહ્યા હતા. બાદમાં તેમણે 1939 માં નાગપુરમાં ક્રિકેટ ક્લબ ઓફ ઈન્ડિયા સાથે સેન્ટ્રલ પ્રોવિડન્સ સામે પ્રથમ વર્ગમાં પ્રવેશ કર્યો હતો.

સચિન તેંડુલકરે રાયજીના નિધન પર દુખ વ્યક્ત કરતાં કહ્યું કે, આ વર્ષની શરૂઆતમાં મેં તેમનો 100મો જન્મદિવસ રાયજી સાથે ઉજવ્યો હતો. આ રીતે તેમના વિદાયથી ઘણું દુખ થયું છે.

ક્રિકેટની શરૂવાત આવી રીતે કરી

જમણા હાથના બેટ્સમેન રાયજીએ 1941 માં મુંબઇ માટે પહેલી મેચ રમી હતી અને વિજય મર્ચન્ટની કેપ્ટનશીપ હેઠળ ઇનિંગની શરૂઆત કરી હતી. આ મેચ ડ્રો હતી. બાદમાં તેની કારકીર્દિમાં તેઓ બરોડા માટે પણ રમ્યા હતા. તેમણે નવ ફર્સ્ટ-ક્લાસ મેચ રમી જેમાં બે અર્ધસદી અને 277 રન બનાવ્યા. 1941 બોમ્બે પેન્ટાગોનલ હિન્દુ ટીમમાં અનામત ખેલાડી હતો.

પુસ્તકો લખવાનું શોખ

બીસીસીઆઈએ એક નિવેદનમાં જણાવ્યું હતું કે, “તેમણે નિવૃત્તિ પછી ઘરેલુ ધંધો સંભાળ્યો, પરંતુ રમત પ્રત્યેની જુસ્સાએ તેને રમત સાથે જોડી દીધો. તેઓ જોલી ક્રિકેટ ક્લબના સ્થાપક સભ્ય હતા. તેમને રણજિતસિંહ, દલીપસિંહ, વિક્ટર ટ્રમ્પર, સી.કે. નાયડુ પર પુસ્તકો પણ લખી છે.

વૃદ્ધ ફર્સ્ટ ક્લાસ ક્રિકેટર

ક્રિકેટમાંથી નિવૃત્ત થયા પછી રાયજીએ લખ્યું. જો કે, તે વ્યવસાયે ચાર્ટર્ડ એકાઉન્ટન્ટ હતો. વર્ષ 2016 માં બી કે ગુરુદાચારાનું અવસાન થયા પછી, રાયજી દેશના સૌથી વૃદ્ધ ફર્સ્ટ ક્લાસ ક્રિકેટર બન્યા. ત્યાર બાદ માર્ચ 7 માં જોન મેનર્સના અવસાન પછી, રાયજી વિશ્વના સૌથી અનુભવી ફર્સ્ટ ક્લાસ ક્રિકેટર બન્યા.