શાબાશ ફિન્ચ! ઓસ્ટ્રેલિયાન કેપ્ટન એરોન ફિન્ચની નિવૃત્તિ પર કોહલીનો સંદેશ

ભારતના સ્ટાર બેટ્સમેન વિરાટ કોહલીએ આઈપીએલમાં આરસીબી માટે રમી રહેલા એરોન ફિન્ચ સાથેના તેના જોડાણના દિવસોને યાદ કર્યા અને ઓસ્ટ્રેલિયન ક્રિકેટરને ODI ક્રિકેટમાંથી નિવૃત્તિ પર શુભેચ્છા પાઠવી.

ઓસ્ટ્રેલિયાના કેપ્ટન એરોન ફિન્ચે શનિવારે વનડે ક્રિકેટમાંથી નિવૃત્તિની જાહેરાત કરી હતી. ન્યૂઝીલેન્ડ સામેની રવિવારની મેચ ODI ફોર્મેટમાં તેની છેલ્લી મેચ રમી.

વિરાટે ઇન્સ્ટાગ્રામ પર ફિન્ચ વિશે પોતાના વિચારો વ્યક્ત કર્યા. વિરાટે કહ્યું- બહુ સારું કર્યું. આટલા વર્ષોમાં તમારી સામે અને તમારી સાથે આરસીબીમાં રમવું ખૂબ જ સારું હતું. તમારા જીવનના આગલા તબક્કાનો સંપૂર્ણ આનંદ માણો. ફિન્ચે IPL 2020માં RCB તરફથી રમતી વખતે 22.33ની એવરેજથી 268 રન બનાવ્યા હતા. તે સિઝનમાં માત્ર એક ફિફ્ટી ફટકારી શક્યો હતો. RCB તે સિઝનમાં પ્લે-ઓફમાં પહોંચી અને ચોથા સ્થાને રહી.

ફિન્ચ ઓસ્ટ્રેલિયાની ICC મેન્સ ક્રિકેટ વર્લ્ડ કપ 2023ની ટીમનો ભાગ નહીં હોય, પરંતુ તે આ વર્ષના T20 વર્લ્ડ કપમાં ટીમનું નેતૃત્વ કરશે. ફિન્ચ માટે આ વર્ષ સારું રહ્યું નથી. તેણે 13 વનડેમાં માત્ર 169 રન બનાવ્યા હતા. 2013માં ડેબ્યૂ કર્યા બાદ, ફિન્ચે 50 ઓવરના ફોર્મેટમાં 145 મેચ રમી જેમાં તેણે 39.13ની એવરેજથી 5,401 રન બનાવ્યા. તેણે આ ફોર્મેટમાં 17 સદી અને 30 અડધી સદી ફટકારી છે. તેનો શ્રેષ્ઠ સ્કોર 153* હતો.