ચહલે પોતાની પીડા જણાવી અને કહ્યું કે જ્યાં સુધી ટીમ જીતી રહી છે..
ટીમ ઇન્ડિયાના સ્પિનર યુઝવેન્દ્ર ચહલ અત્યારે ખરાબ ફોર્મમાંથી પસાર થઈ રહ્યો છે. જેના કારણે તેમને ટીમ ઈન્ડિયામાં જગ્યા બનાવવા માટે ખૂબ જ સંઘર્ષ કરવો પડ્યો છે. એક સમયે ચહલ અને ચાઇનામેન બોલર કુલદીપ યાદવ ટીમ ઈન્ડિયા તરીકે ભાગ્યશાળી સાબિત થઈ રહ્યા હતા. બંનેએ ટીમ માટે ઘણી મેચ પણ જીતી હતી. પરંતુ હવે આ બંનેની જોડી ટીમ ઈન્ડિયામાં સપના જેવી થઈ ગઈ છે. ચહલને લાગે છે કે હાર્દિક પંડ્યા અને રવિન્દ્ર જાડેજાએ આ જોડી તોડવામાં મોટો ભાગ ભજવ્યો છે.
ચહલે એક ખાનગી ન્યૂઝ ચેનલને એક ઇન્ટરવ્યૂ આપતાં કહ્યું હતું કે, “હું અને કુલદીપ 2018 સુધી સાથે રમ્યા હતા, તેની પાછળનું કારણ હાર્દિક પંડ્યા હતો”. પરંતુ જ્યારે પંડ્યા ઈજાગ્રસ્ત થયો ત્યારે બંનેની જોડી તૂટી ગઈ. આનું કારણ છે કે પંડ્યા ઝડપી બોલર ઓલરાઉન્ડર છે. જ્યારે ટીમની બહાર હોય ત્યારે રવિન્દ્ર જાડેજાને તેની જગ્યાની ભરપાઈ કરવા ટીમમાં શામેલ કરવામાં આવ્યો હતો. જાડેજા સ્પિનર ઓલરાઉન્ડર છે. આવી સ્થિતિમાં, ફક્ત એક કુલદીપ કે હું જ ટીમમાં સ્થાન મેળવી શકશે.
ચહલે પોતાની પીડા જણાવી અને કહ્યું કે જ્યાં સુધી ટીમ જીતી રહી છે ત્યાં સુધી તેમને બહાર બેસવામાં કોઈ તકલીફ નથી. જ્યારે હું ટીમમાં નથી અને ટીમ મેચ જીતી રહી છે ત્યારે મને આનંદ થશે. મહત્ત્વની વાત એ છે કે ટીમ ઈન્ડિયા 2 જૂને ઇંગ્લેન્ડ પ્રવાસ પર જશે, તેથી ચહલ કે કુલદીપ યાદવ બંને તેમાં ભાગ લેશે નહીં.