ICC ક્રિકેટ વર્લ્ડ કપ 2023ની યજમાની ભારતના 10 શહેરોમાં થવા જઈ રહી છે. ભારતીય ટીમ લીગ તબક્કાની પોતાની 9 મેચ 9 અલગ-અલગ શહેરોમાં રમશે, પરંતુ ખાસ વાત એ છે કે વિરાટ કોહલીએ વર્લ્ડ કપ 2023 માટે ફાઇનલ કરવામાં આવેલા 10 મેદાનમાંથી 9 મેદાન પર ઓછામાં ઓછી એક સદી ફટકારી છે.
માત્ર એક જ મેદાન છે જ્યાં તેણે હજુ સદી ફટકારી છે, પરંતુ તે મેદાન પર તેણે હજુ સુધી એક પણ આંતરરાષ્ટ્રીય મેચ રમી નથી.
વાસ્તવમાં, BCCI અને ICCએ મળીને દિલ્હી, લખનૌ, કોલકાતા, ચેન્નાઈ, મુંબઈ, પુણે, હૈદરાબાદ, ધર્મશાલા, બેંગ્લોર અને અમદાવાદ સહિત 10 મેદાનો પર વર્લ્ડ કપ 2023નું આયોજન કરવાનો નિર્ણય લીધો છે. ખાસ વાત એ છે કે વિરાટ કોહલીએ આ 10માંથી 9 મેદાન પર આંતરરાષ્ટ્રીય ક્રિકેટમાં ઓછામાં ઓછી એક સદી ફટકારી છે. કોલકાતા અને પુણેમાં વિરાટના બેટમાંથી સૌથી વધુ 3-3 સદીઓ નીકળી છે.
વિરાટ કોહલીએ માત્ર લખનૌમાં એક પણ આંતરરાષ્ટ્રીય સદી ફટકારી નથી. જો કે, એ પણ નોંધનીય છે કે વિરાટે લખનૌના ભારત રત્ન અટલ બિહારી વાજપેયી એકાના સ્ટેડિયમમાં હજુ સુધી એક પણ આંતરરાષ્ટ્રીય મેચ રમી નથી. વિરાટે કોલકાતા અને પુણેમાં 3-3 સદી, દિલ્હી, ચેન્નાઈ અને મુંબઈમાં 2-2 સદી, જ્યારે અમદાવાદ, ધર્મશાલા, બેંગલુરુ અને હૈદરાબાદમાં એક-એક સદી ફટકારી છે. ભારતીય ટીમ હૈદરાબાદમાં એક પણ મેચ રમશે નહીં.