એશિયા કપની બીજી મેચ આજે શ્રીલંકા અને બાંગ્લાદેશ વચ્ચે પલ્લેકેલેના ઈન્ટરનેશનલ સ્ટેડિયમમાં રમાઈ હતી. ગ્રુપ બીની આ પ્રથમ મેચમાં શ્રીલંકાની ટીમે 5 વિકેટથી શાનદાર જીત મેળવીને સુપર 4 તરફ પહેલું પગલું ભર્યું છે.
ટોસ જીતીને પ્રથમ બેટિંગ કરવા ઉતરેલી બાંગ્લાદેશની ટીમ 164 રનમાં ઓલઆઉટ થઈ ગઈ હતી અને યજમાન ટીમે આ સરળ લક્ષ્યાંક 39મી ઓવરમાં 5 વિકેટ ગુમાવીને હાંસલ કરી લીધો હતો. શ્રીલંકા માટે, સીએસકેના સ્ટાર બોલર મેથિસા પથિરાનાએ 4 વિકેટ અને મહિષ તિક્ષીનાએ 2 વિકેટ લીધી અને બાંગ્લાદેશને 164 રનમાં સમેટી દીધું.
વનડે મેચ મુજબ આ નાના લક્ષ્યનો પીછો કરવા આવેલી શ્રીલંકાની ટીમની શરૂઆત પણ ખરાબ રહી હતી. 43 રનમાં પ્રથમ 3 વિકેટ ગુમાવ્યા બાદ સાદિરા સમરવિક્રમા અને ચરિથ અસલંકાએ ચોથી વિકેટ માટે 78 રન જોડ્યા હતા. સમરવિક્રમાએ 54 રનની મહત્વપૂર્ણ ઇનિંગ રમી જેમાં 6 ચોગ્ગા સામેલ હતા. અંતે, અસલંકાએ અન્ય બેટ્સમેનો સાથે મળીને ટીમને આગળ વધવામાં મદદ કરી અને યજમાન ટીમે 5 વિકેટે મેચ જીતી લીધી. અસલંકાએ 62 રનની શાનદાર અડધી સદીની ઇનિંગ રમી હતી. બાંગ્લાદેશ માટે સુકાની શાકિબે 29 રનમાં 2 મહત્વની વિકેટ લીધી હતી.
Matheesha Pathitrana shines with four wickets 🤩#AsiaCup2023 #SLvBAN pic.twitter.com/7ekqnMug0M
— Sri Lanka Cricket 🇱🇰 (@OfficialSLC) August 31, 2023